ସଡକ ଦୁର୍ଘଟଣାରେ ପୂର୍ବତନ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳଙ୍କ ପତ୍ନୀ ଏବଂ କନ୍ୟା ଗୁରୁତର

ଭୁବନେଶ୍ୱର : ମର୍ମନ୍ତୁଦ ସଡକ ଦୁର୍ଘଟଣା I ପୂର୍ବତନ ମୁଖ୍ୟମନ୍ତ୍ରୀ ମୁଖ୍ୟମନ୍ତ୍ରୀ ହେମାନନ୍ଦ ବିଶ୍ୱାଳଙ୍କ ପତ୍ନୀ ଉର୍ମିଳା ଏବଂ କନ୍ୟା ତଥା କଂଗ୍ରେସ ନେତ୍ରୀ ଅମିତା ବିଶ୍ୱାଳ ଗୁରୁତର ହୋଇଛନ୍ତି I ଝାରସୁଗୁଡ଼ାରୁ ଭୁବନେଶ୍ୱର ଆସୁଥିବାବେଳେ ଏନ.ଏଚ.୫୫ ହଣ୍ଡପା ନିକଟରେ ତାଙ୍କ କାରଟି ଦୁର୍ଘଟଣା ଗ୍ରସ୍ତ ହୋଇଥିବା ସୂଚନା ମିଳିଛି I ଏଥିରେ ତାଙ୍କ ନାତୁଣୀ ମଧ୍ୟ ସାମାନ୍ୟ ଆହତ ହୋଇଥିବା ଜଣା ପଡିଛି I ସମସ୍ତଙ୍କୁ ଅନୁଗୁଳ ମୁଖ୍ୟ ଚିକିତ୍ସାଳୟରେ ଭର୍ତି କରାଯାଇଛି I କିନ୍ତୁ ସେଠାରେ ହେମାନନନ୍ଦ ପତ୍ନୀଙ୍କ ସ୍ୱାସ୍ଥ୍ୟବସ୍ଥା ଅଧିକ ଗୁରୁତର ଥିବାରୁ ତାଙ୍କୁ କଟକ ସ୍ଥାନାନ୍ତରିତ କରାଯିବ ବୋଲି ସୂଚନା ମିଳିଛି I ହେମାନନନ୍ଦ ବିଶ୍ୱାଳଙ୍କ ପରିବାର ଆସୁଥିବା କାର ସାମ୍ନାରେ ଯାଉଥିବା ଆଉ ଏକ କାର ହଠାତ ବ୍ରେକ ମାରିବାରୁ ଏହି ଦୁର୍ଘଟଣା ଘଟିଥିବା କୁହାଯାଉଛି I ଘଟଣାସ୍ଥଳରେ ଅନୁଗୁଳ ପୋଲିସ ପହଞ୍ଚି କାର ୨ ଟିକୁ ଜବତ କରିବା ସହ ଘଟଣାର ତଦନ୍ତ ଜାରି ରଖିଛି I