ଭୁବନେଶ୍ୱର : ଏସି ତାପମାତ୍ରା ବ୍ୟବସ୍ଥାରେ ହେବ ପରିବର୍ତ୍ତନ । ଏଥିପାଇଁ ନୂଆ ନିୟମ ଆଣିବାକୁ ଯୋଜନା କରୁଛନ୍ତି କେନ୍ଦ୍ର ସରକାର । ଏଣିକି ଏସି ର ସର୍ବାଧିକ ତାପମାତ୍ରା ୨୦ ଡିଗ୍ରୀ ସେଲସିୟସ ଏବଂ ସର୍ବନିମ୍ନ ତାପମାତ୍ରା ୨୮ ଡିଗ୍ରୀ ଡିଗ୍ରୀ ସେଲସିୟସ ରଖିବାକୁ ଚିନ୍ତା କରାଯାଉଛି । ଏ ନେଇ ଘୋଷଣା କରିଛନ୍ତି କେନ୍ଦ୍ର ଗୃହ ନିର୍ମାଣ ଓ ନଗର ଉନ୍ନୟନ ମନ୍ତ୍ରୀ ମନୋହର ଲାଲ ଖଟ୍ଟର । ଏହି ନୂଆ ନିୟମ ଘର,କର୍ମସ୍ଥଳୀ ସହ ଗାଡ଼ିରେ ଲାଗୁଥିବା ଏସିରେ ମଧ୍ୟ ଲାଗୁହେବ । ଦିଲ୍ଲୀବାସୀ ପ୍ରଚଣ୍ଡ ଗ୍ରୀଷ୍ମ ପ୍ରବାହ ଏବଂ ଅସହ୍ୟ ଗୁଳୁଗୁଳିରେ ସନ୍ତୁଳି ହେଉଥିବାବେଳେ ଭାରତୀୟ ପାଣିପାଗ ବିଭାଗ (IMD) ଅରେଞ୍ଜ ଆଲର୍ଟ ଜାରି କରିଛି।
ଏହି ନିୟମ ଦ୍ୱାରା ଶକ୍ତି ଦକ୍ଷତା ବୃଦ୍ଧି ହେବା ସହିତ ଅନାବଶ୍ୟକ ବିଜୁଳି ବିଲକୁ ହ୍ରାସ କରିପାରିବ । ସାଧାରଣତଃ ଅନ୍ୟାନ୍ୟ ବୈଦ୍ୟୁତିକ ଉପକରଣ ତୁଳନାରେ ଏସିରେ ଅଧିକ ବିଜୁଳି ଶକ୍ତି ଖର୍ଚ୍ଚ ହୋଇଥାଏ, କିନ୍ତୁ ଏହି ନୂତନ ନିୟମ ଆସିବା ଦ୍ୱାରା ପିକ୍ ଆୱାର (ଏସି ଲାଗିବା ସମୟ)ରେ ବିଜୁଳି ଶକ୍ତି ହ୍ରାସ କରିବାରେ ସହାୟକ ହେବ । ଯାହା ଫଳରେ ଶକ୍ତି ସଞ୍ଚୟ ହୋଇପାରିବ ।
ବର୍ତ୍ତମାନ ଏସି ଗୁଡିକ ସର୍ବନିମ୍ନ ୧୬ ଡିଗ୍ରୀରୁ ସର୍ବାଧିକ ୧୮ ଡିଗ୍ରୀ ଯାଏ ତାପମାତ୍ରାରେ ଚାଲୁଛି । ଯାହାଫଳରେ ଏସିରେ ଅତ୍ୟନ୍ତ କମ କୁଲିଂ ସେଟିଂ ଯୋଗୁଁ ବିଜୁଳି ବିଲ୍ ବୃଦ୍ଧି ପାଇବା ସହ ବିଜୁଳି ଶକ୍ତି ଅଧିକ ଖର୍ଚ୍ଚ ହେଉଛି ।
୨୦୨୦ରେ ବ୍ୟୁରୋ ଅଫ ଏନର୍ଜି ଏଫିସିଏନ୍ସିର ନିର୍ଦ୍ଦେଶ ଅନୁଯାୟୀ, ଘରେ ଏବଂ କାରରେ ବ୍ୟବହାର ହେଉଥିବା ଏସିରେ ୨୪ ଡିଗ୍ରୀ ସେଲସିୟସ ଏବଂ ଅଫିସ ମାନଙ୍କରେ ୨୪ରୁ ୨୫ ଡିଗ୍ରୀ ସେଲସିୟସ ତାପମାତ୍ରା ରହିବା ଉପରେ ଗୁରୁତ୍ୱ ଦିଆଯାଇଥିଲା ।
Comments are closed.