ଭୁବନେଶ୍ୱର : ଧ୍ୱସ୍ତ ହେଉଛି ଲାଲ ଦୁର୍ଗ । ନିପାତ ହେଉଛନ୍ତି ମାଓବାଦୀ । ଏହାକୁ ଅଧିକ ସକ୍ରିୟ କରିବା ପାଇଁ ଖୁବଶୀଘ୍ର ହେବାକୁ ଯାଉଛି ମାଓ ବିରୋଧୀ ଅପରେସନ ଆନାକୋଣ୍ଡା- ୨
। ଓଡ଼ିଶା- ଝାଡ଼ଖଣ୍ଡ ସୀମାକୁ ଲାଗିଥିବା ସରଣ୍ଡା ଜଙ୍ଗଲରେ ଖୁବ୍ଶୀଘ୍ର ଆରମ୍ଭ ହେବ ଏହି ମାଓ ନିପାତ ଅଭିଯାନ । ଏହାପୂର୍ବରୁ ୨୦୧୧ରେ କରାଯାଇଥିବା ଅପରେସନ ଆନାକୋଣ୍ଡା । ଏହି ଅପରେସନରେ ଅତ୍ୟାଧୁନିକ ଅସ୍ତ୍ରଶସ୍ତ୍ର, ଡ୍ରୋନ୍, ସାଟୋଲାଇଟ ନିରୀକ୍ଷଣ, ପର୍ବତ ସେନା ଓ ଜଙ୍ଗଲ ଯୁଦ୍ଧ ବିଶେଷଜ୍ଞ ସାମିଲ୍ ହେବେ । ୨୦୨୬ ସୁଦ୍ଧା ସରଣ୍ଡା ଜଙ୍ଗଲରୁ ମାଓ ନିପାତ ପାଇଁ ଲକ୍ଷ୍ୟ ରଖିଛି ସୁରକ୍ଷା ବାହିନୀ ।
ଅପରେସନ ଆନାକୋଣ୍ଡା -୨ର ଲକ୍ଷ୍ୟ ହେଉଛି- ଜଙ୍ଗଲରେ ଲୁଚି ରହିଥିବା ନକ୍ସଲଙ୍କୁ ଦମନ କରିବା । କେନ୍ଦ୍ରୀୟ ବାହିନୀ ଓ ଝାଡ଼ଖଣ୍ଡ ପୋଲିସର ମିଳିତ ଉଦ୍ୟରେ ଚାଲିବ ଏ ଅପରେସନ । ଏଥିରେ ଅତ୍ୟାଧୁନିକ ଅସ୍ତ୍ରଶସ୍ତ୍ର, ଡ୍ରୋନ୍, ସାଟେଲାଇଟ ନୀରିକ୍ଷଣ ଆଦି ନିୟୋଜିତ ହେବ ।
ମାଓ ଦମନ ପାଇଁ ସରଣ୍ଡା ଜଙ୍ଗଲରେ CRPF ଅସ୍ଥାୟୀ ପୋଷ୍ଟ୍ ସ୍ଥାପନ କରାଯିବ ବୋଲି ଜଣାପଡିଛି । ସରଣ୍ଡା ଜଙ୍ଗଲ ଏସିଆ ମହାଦେଶର ସର୍ବବୃହତ ଶାଳ ଘଞ୍ଚ ଜଙ୍ଗଲ ଓ ଦୁର୍ଗମ ଅଞ୍ଚଳ ହୋଇଥିବାରୁ ଏହା ମାଓବାଦୀଙ୍କ ଗଡ଼ ହୋଇ ରହିଛି । ୨୦୨୬ ସୁଦ୍ଧା ସରଣ୍ଡା ଜଙ୍ଗଲକୁ ସଂପୂର୍ଣ୍ଣ ମାଓ ମୁକ୍ତ କରାଯିବା ବୋଲି ଝାଡ଼ଖଣ୍ଡ ପୋଲିସ ଦାବି କରିଛି ।
Comments are closed.