ଆରସିବି ମାର୍କେଟିଂ ହେଡ଼ ଗିରଫ

ବେଙ୍ଗାଲୁରୁ : ବେଙ୍ଗାଲୁରୁ ଦଳାଚକଟା ଘଟଣାରେ RCB (ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ) ମାର୍କେଟିଂ ହେଡ୍ ନିଖିଲ ସୋସଲେ ଗିରଫ । ବେଙ୍ଗାଲୁରୁ ଏୟାରପୋର୍ଟରୁ ତାଙ୍କୁ ଗିରଫ କରାଯାଇଛି। ମୁମ୍ଵାଇକୁ ଯିବା ବେଳେ ତାଙ୍କୁ ବାନ୍ଧିଛି ପୋଲିସ। ନିଖିଲ ୨ ବର୍ଷ ହେବ RCB ମାର୍କେଟିଂ ହେଡ଼ ରହିଆସିଥିଲେ । ଏହା ସହିତ RCB ଭିକଟ୍ରି ସେଲିବ୍ରେସନର ଇଭେଣ୍ଟ ମ୍ୟାନେଜମେଣ୍ଟ କମ୍ପାନିର ୩ ଜଣଙ୍କୁ ମଧ୍ୟ ଅଟକ ରଖିଛି ପୋଲିସ । ସେମାନଙ୍କୁ ପଚରା ଉଚରା କରାଯାଉଛି। ଏହା ଆଗରୁ ଏହି ଦଳାଚକଟା ଘଟଣାରେ ବେଙ୍ଗାଲୁରୁ ପୋଲିସ କମିଶନରଙ୍କ ସମେତ ଅନେକ ଅଧିକାରୀଙ୍କୁ ନିଲମ୍ବିତ କରିଥିଲେ ମୁଖ୍ୟମନ୍ତ୍ରୀ ସିଦ୍ଧରମୈୟା । ମୁଖ୍ୟମନ୍ତ୍ରୀ ଏହି ଘଟଣାର ତଦନ୍ତ ପାଇଁ କମିଶନ ଗଠନ କରିବାକୁ ଘୋଷଣା କରିଛନ୍ତି। ଆୟୋଜନରେ ଗୁରୁତର ତ୍ରୁଟି ଦର୍ଶାଇ ରୁଜୁ ହୋଇଛି ଅପରାଧିକ ମାମଲା ରୁଜୁ ହୋଇଛି I

ସୂଚନାନୁସାରେ,ବୁଧବାର ଦିନ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (RCB) ର IPL 2025 ବିଜୟ ଉତ୍ସବ ସମୟରେ ବେଙ୍ଗାଲୁରୁର M. Chinnaswamy ଷ୍ଟାଡିୟମ ବାହାରେ ଦଳାଚକଟା ଘଟି ଅତି କମରେ ୧୧ ଜଣଙ୍କର ମୃତ୍ୟୁ ଘଟିଥିବା ବେଳେ ପ୍ରାୟ ୫୦ ରୁ ଅଧିକ ଜଣ ଆହତ ହୋଇଥିଲେ । ଦୀର୍ଘ ୧୮ ବର୍ଷ ପରେ RCB ପଞ୍ଜାବ କିଙ୍ଗ୍ସ ବିପକ୍ଷରେ ପ୍ରଥମ IPL ଟାଇଟଲ ଜିତିବାର କିଛି ଘଣ୍ଟା ପରେ ଆୟୋଜିତ ଏକ ବସ୍ ପରେଡ୍ ସମୟରେ ଏହି ଘଟଣା ଘଟିଥିଲା। ଏହି ଦୁଃଖଦ ଘଟଣା ପରେ, ପୋଲିସ RCB ର ମାର୍କେଟିଂ ଏବଂ ରାଜସ୍ୱ ମୁଖ୍ୟ ନିଖିଲ ସୋସାଲେଙ୍କ ସମେତ ଚାରି ଜଣଙ୍କୁ ଗିରଫ କରିଛି।