ଝାରଖଣ୍ଡ : ଜଙ୍ଗଲରୁ ବିପୁଳ ପରିମାଣରେ ବିସ୍ଫୋରକ ଉଦ୍ଧାର । ସୀମାନ୍ତ ଝାଡ଼ଖଣ୍ଡର ତିରିଲିପୋଷ ଜଙ୍ଗଲରୁ ସୁରକ୍ଷା ବାହିନୀ ପାଖାପାଖି ଅଢେଇଟନ ର ବିସ୍ଫୋରକ ଉଦ୍ଧାର କରିଛନ୍ତି। ମାଓବାଦୀମାନେ ଏହି ବିସ୍ଫୋରକକୁ ମାଟି ତଳେ ପୋତି ଲୁଚାଇ ରଖିଥିଲେ । ଝାଡ଼ଖଣ୍ଡର ଜରେଇକେଲା ଥାନା ଅନ୍ତର୍ଗତ ତିରିଲିପୋଷ ଜଙ୍ଗଲରେ କୋବ୍ରା ବାଟାଲିଅନ, ସିଆରପିଏଫ ଏବଂ ଏସଓଜି ଯବାନଙ୍କ ପକ୍ଷରୁ ମିଳିତ ସର୍ଚ୍ଚ ଅପରେସନ ସମୟରେ ଏହି ବିସ୍ଫୋରକକୁ ଠାବ କରାଯାଇଥିଲା। ସୁନ୍ଦରଗଡ଼ ଜିଲ୍ଲା କେ. ବଲାଙ୍ଗରୁ ୪ ଟନ୍ ବିସ୍ଫୋରକ ଲୁଟ୍ ହୋଇଥିଲା । ଏହି ଘଟଣାରେ ପୁଣି ଅଢେଇ ଟନ୍ ବିସ୍ଫୋରକ ଜବତ ହୋଇଛି । ତେବେ ଏସବୁ ବିସ୍ଫୋରକ ମାଓବାଦୀମାନେ ଲୁଟ୍ କରିଥିବା ବିସ୍ଫୋରକ କି ନୁହେଁ, ତାହା ସ୍ପଷ୍ଟ ହୋଇନାହିଁ। ବର୍ତ୍ତମାନ ସୁଦ୍ଧା ସରଣ୍ଡା ଜଙ୍ଗଲରେ ସର୍ଚ୍ଚଅପରେସନ୍ ଜାରି ରହିଛି ।
ସୂଚନାନୁସାରେ,ଗତ ମଙ୍ଗଳବାର ଦିନ ସୁନ୍ଦରଗଡ଼ ଜିଲା ବାଙ୍କୋ ଖଣିକୁ ଟ୍ରକରେ ୪ ଟନରୁ ଅଧିକ ବିସ୍ଫୋରକ ଆସୁଥିବାବେଳେ ପ୍ରାୟ ୪୦ରୁ ଅଧିକ ମାଓବାଦୀ ବନ୍ଧୁକ ମୁନରେ ଟ୍ରକ ଲୁଟ କରି ନେଇଥିଲେ । ଏହାପରେ ଓଡ଼ିଶା, ଝାଡ଼ଖଣ୍ଡ ଏବଂ ପଶ୍ଚିମବଙ୍ଗ ସୀମାନ୍ତ ଜଙ୍ଗଲରେ ସୁରକ୍ଷାବାହିନୀ ପକ୍ଷରୁ ଜୋରଦାର ସର୍ଚ୍ଚ ଅପରେସନ ଜାରି ରଖି ପ୍ରାୟ ୭୦ ପ୍ରତିଶତ ବିସ୍ଫୋରକର ଉଦ୍ଧାର କରାଯାଇଥିଲା ।
Comments are closed.