ସ୍ଥଗିତ ରହିଲା ସି.ଏ ପରୀକ୍ଷା

ନୂଆଦିଲ୍ଲୀ: ମେ’ ୯ରୁ ୧୪ ମଧ୍ୟରେ ହେବାକୁ ଥିବା ସମସ୍ତ ପରୀକ୍ଷାକୁ ସ୍ଥଗିତ ରଖାଯାଇଛି। ICAI ଏକ ସରକାରୀ ବିଜ୍ଞପ୍ତି ଜାରି କରି କହିଛି ଯେ, ଚାର୍ଟର୍ଡ ଆକାଉଣ୍ଟାଣ୍ଟସ୍‌ ଫାଇନାଲ, ଇଣ୍ଟରମିଡିଏଟ୍‌ ଏବଂ ପୋଷ୍ଟ ଯୋଗ୍ୟତା ପାଠ୍ୟକ୍ରମ ପରୀକ୍ଷା (ଅନ୍ତର୍ଜାତୀୟ ଟିକସ – ମୂଲ୍ୟାୟନ ପରୀକ୍ଷା (INTT AT ମେ’ ୨୦୨୫)ର ବାକି ଥିବା ପେପରଗୁଡ଼ିକ ସ୍ଥଗିତ ରଖାଯାଇଛି।

ICAIର ସରକାରୀ ବିବୃତ୍ତିରେ କୁହାଯାଇଛି ଯେ, ଗ୍ରୁପ ୧ ପାଇଁ CA ଇଣ୍ଟରମିଡିଏଟ ମେ’ ୨୦୨୫ ପରୀକ୍ଷା ୩, ୩ ଏବଂ ୭ ମେ’ରେ ହେବାର ଥିଲା। ଗ୍ରୁପ ୨ ପରୀକ୍ଷା, ମେ’ ୯, ୧୧ ଏବଂ ୧୪ ତାରିଖକୁ ସ୍ଥିର କରାଯାଇଥିଲା ସେହିପରି ସିଏ ଫାଇନାଲ ଗ୍ରୁପ ୧ ପରୀକ୍ଷା ମେ’ ୨, ୪ ଏବଂ ୬ ତାରିଖରେ ହେବାର ଥିଲା। ଗ୍ରୁପ୍‌ ୨ ପରୀକ୍ଷା ମେ’ ୮, ୧୦ ଏବଂ ୧୩ ତାରିଖରେ ହେବାର ଥିଲା। ICAI କହିଛି ଯେ, ସଂଶୋଧିତ ତାରିଖଗୁଡ଼ିକ ଯଥାସମ୍ଭବରେ ଘୋଷଣା କରାଯିବ। “ପ୍ରାର୍ଥୀମାନଙ୍କୁ ପ୍ରତିଷ୍ଠାନର ୱେବସାଇଟ୍ www.icai.org ସହିତ ଯୋଗାଯୋଗରେ ରହିବାକୁ ପରାମର୍ଶ ଦିଆଯାଇଛି । ଭାରତ ଏବଂ ପାକିସ୍ତାନ ମଧ୍ୟରେ ବୃଦ୍ଧି ପାଉଥିବା ଉତ୍ତେଜନାକୁ ଦୃଷ୍ଟିରେରଖି ଇନ୍‌ଷ୍ଟିଚ୍ୟୁଟ୍‌ ଅଫ ଚାର୍ଟାର୍ଡ ଆକାଉଣ୍ଟାଣ୍ଟସ୍‌ ଫାଇନାଲ ପାଇଁ ବାକି ଥିବା ପେପରଗୁଡ଼ିକୁ ସ୍ଥଗିତ ରଖିବାକୁ ପଦକ୍ଷେପ ନେଇଛି ।