ଭୁବନେଶ୍ୱର : ପରିବହନ କ୍ଷେତ୍ରରେ ରାଜ୍ୟ ସରକାରଙ୍କ ଆଉ ଏକ ଗୁରୁତ୍ତ୍ୱପୂର୍ଣ୍ଣ ପଦକ୍ଷେପ । ପ୍ରଥମ ପର୍ଯାୟରେ ଦ୍ୱୈତ ନଗରୀରେ ପାଇଁ ହେବ ହାଇ-ଟେକ୍ନୋଲୋଜି ପରିବହନ ବ୍ୟବସ୍ଥା । ଓଡ଼ିଶାରେ ଫ୍ଲାସ୍-ଚାର୍ଜିଂ ଇଲେକ୍ଟ୍ରିକ ବସ୍ ପରିଚାଳନର ପ୍ରସ୍ତାବ ଦେଇଛନ୍ତି କେନ୍ଦ୍ରୀୟ ସଡ଼କ ପରିବହନ ଓ ରାଜପଥ ମନ୍ତ୍ରୀ ନୀତିନ ଗଡ଼କରୀ। ଏହି ସ୍ଥାୟୀ ସମ୍ପନ୍ନ ସାର୍ବଜନୀନ ପରିବହନ ବ୍ୟବସ୍ଥା ଦ୍ୱାରା ଭୁବନେଶ୍ୱର ଓ କଟକର ଯୁଗ୍ମ ନଗରୀକୁ ତୀର୍ଥନଗରୀ ପୁରୀ ସହ ସିଧାସଳଖ ଇଲେକ୍ଟ୍ରିକ ବସ୍ ସେବା ସହଜ ହେବ।
ଏହି ଅତ୍ୟାଧୁନିକ ବସ୍ଗୁଡ଼ିକ ଫ୍ଲାସ୍-ଚାର୍ଜିଂ ମାଧ୍ୟମରେ ୩୦ ସେକେଣ୍ଡରୁ କମ୍ ସମୟରେ ପୂର୍ଣ୍ଣ ଚାର୍ଜ ହେବାର କ୍ଷମତା ରଖିଛି। ଏହି ବ୍ୟବସ୍ଥା ବସ୍ ପହଞ୍ଚିବା ମାତ୍ରେ ସ୍ୱୟଂଚାଳିତ ଭାବେ ଚାର୍ଜିଂ ଆରମ୍ଭ କରିବା ପାଇଁ ଡିଜାଇନ୍ କରାଯାଇଛି, ଯାହା ଅଳ୍ପ ସମୟ ଅପେକ୍ଷା ସୁନିଶ୍ଚିତ କରେ। ପ୍ରଯୁକ୍ତିବିଦ୍ୟାରେ ପରିପୂର୍ଣ୍ଣ, ଯାହା ବସ୍ ଷ୍ଟପ୍ରେ ଲାଗିଥିବା ୬୦୦ କିଲୋୱାଟର ଓଭରହେଡ୍ ଚାର୍ଜରେ ଏହା ସ୍ୱୟଂଚାଳିତ ଭାବେ ଚାର୍ଜିଂ ହୋଇପାରିବ ।
ଏହି ବସ୍ଗୁଡ଼ିକ ପାଇଁ ପାଇଲଟ ପ୍ରକଳ୍ପ ମହାରାଷ୍ଟ୍ରର ନାଗପୁରରେ ଆରମ୍ଭ ହେବାକୁ ଯାଉଛି। ପ୍ରତ୍ୟେକ ବସ୍ ୧୮ ମିଟର ଲମ୍ବା ଏବଂ ଏହାରେ ଏକ୍ସିକ୍ୟୁଟିଭ୍-ଶ୍ରେଣୀର ଆସନ, ବ୍ୟକ୍ତିଗତ ଟିଭି ସ୍କ୍ରିନ୍, ଏୟାର କଣ୍ଡିସନିଂ, ଲାପଟପ୍ ଟ୍ରେ, ମୋବାଇଲ ଚାର୍ଜିଂ ପଏଣ୍ଟ ଏବଂ ଅନବୋର୍ଡ ସ୍ନାକ୍ସ ଭଳି ଉଚ୍ଚମାନର ସୁବିଧା ରହିଛି, ଯାହା ଯାତ୍ରୀମାନଙ୍କୁ ଉଡ଼ାଣ ଭଳି ଅନୁଭବ ପ୍ରଦାନ କରେ। ଏହା ବ୍ୟତୀତ, ଏହି ଇଲେକ୍ଟ୍ରିକ ବସ୍ଗୁଡ଼ିକ ପାରମ୍ପରିକ ଡିଜେଲ ବସ୍ ତୁଳନାରେ ଯାତ୍ରୀମାନଙ୍କ ପାଇଁ ୩୦% କମ୍ ଖର୍ଚ୍ଚ ହେବାର ଆଶା କରାଯାଉଛି।
ସୂଚନାନୁସାରେ,ଗତକାଲି ଓଡିଶା ଗସ୍ତରେ ଆସିଛନ୍ତି କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡ଼କରୀ ଇ ଏହି ଭୁବନେଶ୍ୱର ବରମୁଣ୍ଡା ପଡିଆରେ ଆୟୋଜିତ ବିଶାଳ ଜନସଭାକୁ ଉଦ୍ବୋଧନ ଦେଇଥିଲେ କେନ୍ଦ୍ରମନ୍ତ୍ରୀ I ୪ ହଜାର ୧୭୩ କୋଟି ଟଙ୍କା ନିବେଶରେ ମୋଟ ୧୫୪କି.ମି. ଦୀର୍ଘ ୧୯ଟି ସଡ଼କ ପ୍ରକଳ୍ପର ଶିଳାନ୍ୟାସ ଓ ଲୋକାର୍ପଣ କରିଛନ୍ତି କେନ୍ଦ୍ରମନ୍ତ୍ରୀ ଶ୍ରୀ ଗଡ଼କରୀ। ଏହି ସମୟରେ ଜଗନ୍ନାଥ ଦର୍ଶନ ପାଇଁ ଭୁବନେଶ୍ବର-ପୁରୀ ସଡ଼କ ୮ଲେନ୍ କରିବା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ପ୍ରସ୍ତାବ ଦେଇଛନ୍ତି। ଦିଲ୍ଲୀ ଗଲା ପରେ ସେଠାରେ ସମୀକ୍ଷା କରି ଯାହା କିଛି ନିଷ୍ପତ୍ତି ନିଆଯିବ। ଶ୍ରୀ ଗଡ଼କରୀ ମୁଖ୍ୟମନ୍ତ୍ରୀଙ୍କ ଦ୍ୱାରା ପ୍ରସ୍ତାବିତ ୧୩ଟି ପ୍ରକଳ୍ପକୁ ତତ୍କାଳ ମଞ୍ଜୁର କରିଛନ୍ତି। ଏହି ପ୍ରକଳ୍ପଗୁଡ଼ିକର ମୁଲ୍ୟ ୯୦୨୩ କୋଟି ଟଙ୍କା। ପୁରୀ-ଭୁବନେଶ୍ବର ୬ଲେନ୍ ହେବ ଏବଂ ପୁରୀ-ଭୁବନେଶ୍ବର ମଧ୍ୟରେ ସର୍ଭିସ ରୋଡ଼ ହେବ। ସେ କହିଲେ, ମହାରାଷ୍ଟ୍ରରେ ଫ୍ଲାସ୍ ବସ୍ ପାଇଲଟ୍ ପ୍ରକଳ୍ପ ଆରମ୍ଭ ହୋଇଛି ଅଧା ମିନିଟ୍ରେ ଏହି ବିଦ୍ୟୁତ୍ ଚାଳିତ ବସ୍ର ବ୍ୟାଟେରୀ ଚାର୍ଜ କରାଯାଇପାରିବ।
Comments are closed.