ଭୁବନେଶ୍ୱର : ପ୍ରେମ ସମ୍ପର୍କରୁ ହତ୍ୟାକାଣ୍ଡ । ହତ୍ୟାକରିଥିଲା ସିକ୍ୟୁରିଟି ଗାର୍ଡ । ମୋବାଇଲ କଲ ରେକର୍ଡରୁ ମିଳିଲା ପ୍ରମାଣ । ଗତ ଜାନୁଆରୀ ମାସ ୨୮ ତାରିଖରେ ଧଉଳି ଥାନା ଅନ୍ତର୍ଗତ ଲିଙ୍ଗିପୁର ଠାରେ ଜଣେ ଯୁବତୀଙ୍କ ଗଳିତ ମୃତଦେହ ମିଳିବା ଘଟଣାରେ ପର୍ଦ୍ଦାଫାଶ କରିଛି କମିସନରେଟ ପୋଲିସ । ୩ ମାସ ଧରି ଘଟଣାର ତଦନ୍ତ ପରେ ଏନେଇ ଆଜି ଏକ ସାମ୍ବାଦିକ ସମ୍ମିଳନୀ କରି ସୂଚନା ଦେଇଛନ୍ତି କମିଶନର ଏସ.ଦେବଦତ୍ତ ସିଂ । ଅଭିଯୁକ୍ତ ସିକ୍ୟୁରିଟି ଗାର୍ଡକୁ ଗିରଫ କରାଯାଇ କ୍ରାଇମ ସିନ ରିକ୍ରିଏସନ କରିଛି ପୋଲିସ ।
ସୂଚନାନୁସାରେ,ଗତ ଜାନୁଆରୀ ମାସ ୧୦ ତାରିଖରେ ଜଣେ ଯୁବତୀ ନିଖୋଜ ଥିବା ନେଇ ଖଣ୍ଡଗିରି ଥାନାରେ ଏତଲା ଦିଆଯାଇଥିଲା । ଏହି ଘଟଣାରେ ଅନୁସନ୍ଧାନ ଜାରି ରହିଥିବାବେଳେ ଜାନୁଆରୀ ୨୮ ତାରିଖରେ ଧଉଳିଥାନ ଅନ୍ତର୍ଗତ ଲିଙ୍ଗିପୁର ମେଳଣ ପଡିଆ ଠାରେ ଜଣେ ଯୁବତୀଙ୍କ ଗଳିତ ମୃତଦେହ ଉଦ୍ଧାର ହୋଇଥିଲା । ଏହି ଘଟଣାରେ ଜୋରଦାର ତଦନ୍ତ ଜାରି ରଖିଥିଲା କମିଶନରେଟ ପୋଲିସ । ତଦନ୍ତ ପରେ ଜଣା ପଡିଥିଲା ମୃତ ଯୁବତୀ ହେଉଛନ୍ତି କନ୍ଧମାଳ ଅଞ୍ଚଳର ସ୍ନେହା ବେହେରା । ସେ ସେଲସ ଓମାନ ଭାବରେ କାମ କରୁଥିବାବେଳେ ସିକ୍ୟୁରିଟି ଗାର୍ଡ ଥିବା ଜଗତସିଂପୁର ଅଞ୍ଚଳର ଚନ୍ଦନ ପରିଡା ସହିତ ପ୍ରେମ ସମ୍ପର୍କ ରହିଥିଲା । ତେବେ ଉଭୟଙ୍କ ମଧ୍ୟରେ ଟଙ୍କା ଦେଣନେଣ କୁ ନେଇ ସମ୍ପର୍କରେ ତିକ୍ତତା ଆସିଥିଲା । ଘଟଣାଦିନ ଯୁବତୀଙ୍କୁ ଟଙ୍କା ଦେବା ବାହାନାରେ ଖଣ୍ଡଗିରି ସ୍ଥିତ ଏକ ମଲ କୁ ଡାକିଥିଲା ଅଭିଯୁକ୍ତ । ଏହାପରେ ତାଙ୍କୁ ହତ୍ୟା କରି ମୃତଦେହକୁ ଫୋପାଡ଼ି ଦେଇ କିଛି ଦିନ ପାଇଁ କାମ ଛାଡି ଦେଇ ଫେରାର ହୋଇଯାଇଥିଲା ଚନ୍ଦନ ପରିଡା । ତେବେ ତଦନ୍ତ ପରେ ପୁଲିସ ଅଭିଯୁକ୍ତ ସିକ୍ୟୁରିଟି ଗାର୍ଡକୁ ଗିରଫ କରିଛି । ଅଭିଯୁକ୍ତ ନାଁରେ ପୂର୍ବରୁ ଦୁଷ୍କର୍ମ ଓ ହତ୍ୟା ମାମଲା ରହିଛି । ଅଭିଯୁକ୍ତକୁ ନେଇ ପୁଲିସ କ୍ରାଇମ୍ ସିନ୍ ରିକ୍ରିଏସନ୍ କରିଛି ।
Comments are closed.