ଭୁବନେଶ୍ୱର : ନବଦାସ ହତ୍ୟାକାଣ୍ଡ ପ୍ରସଙ୍ଗ । ପୁଣି ଥରେ ଫାଇଲ ଖୋଲିଛି କ୍ରାଇମବ୍ରାଞ୍ଚ ।ଏହି ମାମଲାରେ ଆଜି କ୍ରାଇମବ୍ରାଞ୍ଚ ନିକଟରେ ହାଜର ହେବାପାଇଁ ଝିଅ ଦୀପାଲି ଓ ପୁଅ ବିଶାଳଙ୍କୁ ନୋଟିସ କରିଥିଲା କ୍ରାଇମବ୍ରାଞ୍ଚ । ତେବେ ପାରିବାରିକ ସମସ୍ୟା ଯୋଗୁଁ ଆଜି କ୍ରାଇମବ୍ରାଞ୍ଚ ଆସିବେ ନାହିଁ ବୋଲି ଅବଗତ କରିବା ସହ ସମୟ ମାଗିଛନ୍ତି ଉଭୟେ । ଅନ୍ୟପଟେ ନବ ଦାସଙ୍କ ପୁଅ ବିଶାଳ ଦାସ କ୍ରାଇମବ୍ରାଞ୍ଚରେ ହାଜର ନହୋଇ ବରଂ ତାଙ୍କ ଘରେ କ୍ରାଇମବ୍ରାଞ୍ଚ ଟିମ ଆସି ବୟାନ ରେକର୍ଡ କରୁ ବୋଲି କ୍ରାଇମବ୍ରାଞ୍ଚକୁ ନିବେଦନ କରିଛନ୍ତି । କ୍ରାଇମବ୍ରାଞ୍ଚ କେବେ ବୟାନ ରେକର୍ଡ କରିବ ସେନେଇ ସମୟ କହିବ ବୋଲି କହିଛନ୍ତି ବିଶାଳ । ଏନେଇ କ୍ରାଇମବ୍ରାଞ୍ଚ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି ।
କ୍ରାଇମବ୍ରାଞ୍ଚରେ ହାଜର ହୋଇ ଆପତ୍ତି ଅଭିଯୋଗ ଜଣେଇବା ପାଇଁ ଉଭୟଙ୍କୁ ନୋଟିସ କରିଥିଲା କ୍ରାଇମବ୍ରାଞ୍ଚ। ପୋଲିସ ଲଗାଇ ବାପାଙ୍କ ହତ୍ୟା କରାଯାଇଥିବା ଓ ସିବିଆଇ ତଦନ୍ତ ଚାହୁଁଥିବା କଥା ଦୀପାଳି କହିବା ପରେ ଲିଖିତ ଭାବେ ଜଣାଇବାକୁ କହିଥିଲେ ଆଇନମନ୍ତ୍ରୀ । ଏପରିକି ବାପାଙ୍କ ଶ୍ରାଦ୍ଧ ଦିବସରେ ଦୀପାଳି କହିଥିଲେ ପରିବାର ସହ ବିଚାର ବିମର୍ଷ ଚାଲିଛି ଖୁବଶୀଘ୍ର ମୁଖ୍ୟମନ୍ତ୍ରୀଙ୍କୁ ଲିଖିତ ଭାବେ ସିବିଆଇ ତଦନ୍ତ ପାଇଁ ଜଣାଇବୁ । ଏଥିପାଇଁ ଲିଖିତ ଭାବେ ଜଣାଇବାକୁ ରାଜ୍ୟ ସରକାରଙ୍କ ତରଫରୁ କୁହାଯିବା ପରେ ପରିବାର ସହ ଆଲୋଚନା କରି ଲିଖିତ ଭାବେ ଦେବାକୁ ନିଷ୍ପତ୍ତି ନେବୁ ବୋଲି ଦୀପାଳି କହିଥିଲେ । କିନ୍ତୁ ମାସାଧିକ କାଳ ବିତିଥିଲେ ବି ଦୀପାଳି ଲିଖିତ କାହିଁକି ଜଣାଉ ନାହାନ୍ତି ବୋଲି ପ୍ରଶ୍ନ ଉଠିଛି ।
Comments are closed.