ଜୟପୁର: ଭିଜିଲାନ୍ସ ହାତରେ ଧରାପଡ଼ିଲେ ଆଉ ଜଣେ ସରକାରୀ ବାବୁ । କୋରାପୁଟ ଜିଲ୍ଲା ସେମିଲିଗୁଡା ବ୍ଲକ କୁନ୍ଦୁଲି ଲ୍ୟାମ୍ପର ବ୍ରାଞ୍ଚ ମ୍ୟାନେଜ ସତ୍ୟରଞ୍ଜନ ଚଲ୍ଲଣ ମାଣ୍ଡିଆ ଚାଷୀଙ୍କ ପାଖରୁ ୩ ହଜାର ଟଙ୍କା ଲାଞ୍ଚ ନେଇ ଧରାପଡ଼ିଛନ୍ତି | ୧୧୭ଟି ବସ୍ତା ମାଣ୍ଡିଆ କିଣିବାକୁ ଚାଷୀଙ୍କ ଠାରୁ ବସ୍ତା ପିଛା ୪୫ ଟଙ୍କା ହିସାବରେ ଲାଞ୍ଚ ନେଉଥିବାବେଳେ ଧରିଛି ଭିଜିଲାନ୍ସ ।
ଚାଷୀଙ୍କ ନିକଟରୁ ୧୧୭ଟି ବସ୍ତା ମାଣ୍ଡିଆ ପାଇଁ ୫୦୦୦ରୁ ଅଧିକ ଟଙ୍କା ଲାଞ୍ଚ ମାଗିଥିଲେ ସତ୍ୟରଞ୍ଜନ । ପରେ ଏହି ଲାଞ୍ଚ ଟଙ୍କାକୁ କମାଇ ୩୦୦୦ ଟଙ୍କା ମାଗିଥିଲେ । ଲାଞ୍ଚ ନଦେଲେ ସେ ମାଣ୍ଡିଆ ବସ୍ତା ଗୁଡିକୁ ଗ୍ରହଣ କରିବେ ନାହିଁ ବୋଲି କହିଥିଲେ । ଏନେଇ ବ୍ୟକ୍ତି ଜଣକ ଭିଜିଲାନ୍ସ ଟିମ୍କୁ ଜଣାଇଥିଲେ । ତେବେ ଯୋଜନା ମୁତାବକ ଆଜି କୁନ୍ଦୁଲି LAMPCS ସ୍ଥିତ ଅଫିସ୍ରେ ସତ୍ୟରଞ୍ଜନ ଲାଞ୍ଚ ନେବା ସମୟରେ ଭିଜିଲାନ୍ସ ଟିମ୍ହାତରେ ଧରାପଡ଼ିଥିଲେ । ତାଙ୍କ ପାଖରୁ ସମସ୍ତ ରଙ୍ଗ ବୋଳା ଲାଞ୍ଚ ଟଙ୍କା ମଧ୍ୟ ଜବତ ହୋଇଛି । ଏହି ଚଢାଉ ପରେ ସତ୍ୟନାରାୟଣ ଚଲ୍ଲଣଙ୍କ ନାଁରେ ମାମଲା ରୁଜୁ କରି ତାଙ୍କ ୨ଟି ସ୍ଥାନରେ ଏକକାଳୀନ ଚଢାଉ କରୁଛି ଭିଜିଲାନ୍ସ ଟିମ୍ ।
Comments are closed.