କଟକ : ବ୍ଲାକରେ ବିକ୍ରି ହେଲାଣି ବାରବାଟୀ ୱାନ ଡେ ଟିକଟ । ଫେକବୁକ ଓ ଓଏଲଏକ୍ସରେ କେତେକ ଲୋକ ଏହାର ବିଜ୍ଞାପନ ଦେଇଛନ୍ତି । ଚଢ଼ା ଦର ରଖିଛନ୍ତି । ଯାହାର ଦରକାର, ଅଧିକ ଟଙ୍କା ଦେଲେ ସେମାନେ ଟିକଟ ପାଇ ପାରିବେ ବୋଲି କୁହାଯାଇଛି । ଆସନ୍ତା ଫେବୃଆରୀ ୯ ତାରିଖ ରବିବାର ଦିନ କଟକ ବାରବାଟୀ ଷ୍ଟାଡିଅମରେ ଖେଳାଯିବ ଭାରତ-ଇଂଲଣ୍ଡ ୱାନ ଡେ଼ ସିରିଜର ୨ୟ ମ୍ୟାଚ । ଏଥିପାଇଁ ୫ ତାରିଖରେ ଅଫ୍ଲାଇନରେ ଟିକେଟ ବିକ୍ରି ଆରମ୍ଭ ହୋଇଥିବାବେଳେ ମ୍ୟାଚର ଟିକଟ ପାଇଁ ଗତକାଲି କାଉଣ୍ଟରରେ ଦଳାଚକଟା ସ୍ଥିତି ହୋଇଥିଲା । ଭିଡ଼ରେ ତ କେତେକ ବେହୋସ୍ ହୋଇ ଯାଇଥିଲେ। ଶହ ଶହ ଲୋକେ ଲାଇନରେ ଛିଡ଼ା ହୋଇଥିଲେ ମଧ୍ୟ ଟିକଟ ମିଳିନଥିଲା। ବାହାରିବା ପାଇଁ ମଧ୍ୟ କୌଣସି ବ୍ୟବସ୍ଥା ନଥିବାରୁ ପୋଲିସ ବ୍ୟାରିକେଡ଼ ର ବାଉଁଶ କାଟିବାକୁ ବାଧ୍ୟ ହୋଇଥିଲା । ଏଭଳି ଅବ୍ୟବସ୍ଥାକୁ ନେଇ ସେଠାରେ ଉତ୍ତେଜନା ଦେଖା ଯାଇଥିଲା
କିନ୍ତୁ ଆଜି ବ୍ଲାକରେ ମିଳୁଛି ବାରବାଟୀ ଟିକଟ। ପ୍ରତି ଥର ପରି ଏଥର ମଧ୍ୟ ବାରବାଟୀ ମ୍ୟାଚ୍ର ଟିକେଟ୍ର କଳାବଜାରୀ ଆରମ୍ଭ ହୋଇ ଯାଇଛି । ଯେଉଁ ଟିକେଟର ମୂଲ୍ୟ ୭୦୦, ୯୦୦ ଓ ୧୧୦୦ ସେହି ଟିକେଟର ଦାମ ୫ ରୁ ୬ ହଜାର ଟଙ୍କାରେ ବିକ୍ରି କରାଯାଉଥିବା ଓଏଲଏକ୍ସରେ ଦେଖିବାକୁ ମିଳିଛି। ସେପଟେ ଗତକାଲି ସନ୍ଧ୍ୟା ୬ ଟା ବେଳକୁ ବିକ୍ରି ହୋଇ ସାରିଥିଲା ସମସ୍ତ ୧୨ ହଜାର ଟିକେଟ । ତଥାପି ଆଜି ଟିକେଟ ଆଶାୟୀ ମାନେ ଟିକେଟ କାଉଣ୍ଟର ସମାନରେ ଭିଡ଼ ଜମାଇଥିଲେ । ଲମ୍ବା ଲାଇନ ଦେଖି ପୋଲିସ ଲୋକଙ୍କୁ ଘଉଡାଇଥିଲା ।
Comments are closed.