ସମ୍ବଲପୁର : ସମ୍ବଲପୁର ବୁଢାରାଜା ଠାରେ ଥିବା ମଣପୁରମ ବ୍ୟାଙ୍କ ଡକାୟତି ମାମଲାରେ ୨ ଗିରଫ । ଗୁରୁବାର ବିଳମ୍ବିତ ରାତିରେ ୨ ଅଭିଯୁକ୍ତଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ । ଗିରଫ ଅଭିଯୁକ୍ତ ମାନେ ହେଲେ ପଙ୍କଜ ପାଶୱାନ ଓ ଅଜୟ ପାଶୱାନ । ଆଜି ରିମାଣ୍ଡରେ ଯିବେ ୨ ଅଭିଯୁକ୍ତ । ଉଭୟଙ୍କୁ ୩ ଦିନିଆ ରିମାଣ୍ଡରେ ନେବାକୁ ପୋଲିସକୁ ଅନୁମତି ମିଳିଛି ।
ଅଜୟକୁ ହଟିଆ ଅଞ୍ଚଳରୁ ଗିରଫ କରାଯାଇଥିବା ବେଳେ ପଙ୍କଜକୁ ପଶ୍ଚିମବଙ୍ଗ ହୁଗୁଳିରୁ ଗିରଫ କରିଛି ସମ୍ବଲପୁର ପୋଲିସ । ଅଭିଯୁକ୍ତଙ୍କୁ ଗିରଫ କରାଯାଇଥିଲେ ମଧ୍ୟ ବର୍ତ୍ତମାନ ପର୍ଯ୍ୟନ୍ତ ଚୋରି ସୁନାକୁ ଜବତ କରାଯାଇପାରି ନାହିଁ । ଘଟଣାରେ ସାମିଲ ଥିବା ଅନ୍ୟ ଅଭିଯୁକ୍ତ ଓ ସୁନାକୁ ଜବତ କରିବା ପାଇଁ ପୋଲିସର ସ୍ୱତନ୍ତ୍ର ଟିମ ଗଠନ କରାଯାଇ ରାଜ୍ୟ ବାହାରେ ତନାଘନା ଜାରି ରଖିଛନ୍ତି । ଅଭିଯୁକ୍ତଙ୍କୁ କାଲି ରାତି କୋର୍ଟ ଚାଲାଣ କରାଯାଇଛି ।
ସୂଚନା ଅନୁସାରେ ଗତ ୩ ତାରିଖ ଦିନ ୧୦ଟାରେ ବୁଢ଼ାରାଜା ସ୍ଥିତ ମଣପୁରମ ଫାଇନାନ୍ସରୁ ଡକାୟତି ହୋଇଥିଲା । ୬ ରୁ ୭ ଜଣ ହେଲମେଟ ପିନ୍ଧା ଡକାୟତ ଆସି ବନ୍ଧୁକ ମୁନରେ କମ୍ପାନୀର କର୍ମଚାରୀଙ୍କୁ ଧମକ ଦେଇ ୩୦ କେଜି ସୁନା ଓ ନଗଦ ୪ ଲକ୍ଷ ଟଙ୍କା ଚୋରି କରି ନେଇଥିବା ଅଭିଯୋଗ ହୋଇଥିଲା । ଅଭିଯୁକ୍ତଙ୍କୁ ଧରିବାକୁ ପୋଲିସ ୪ଟି ଟିମ୍ କରି ବିଭିନ୍ନ ସ୍ଥାନରେ ଚଢାଉ କରିଥିଲା । ରାଜ୍ୟ ବାହାରେ ମଧ୍ୟ ଛାନ୍ଭିନ୍ ଚଳାଇଥିଲା ପୋଲିସ ।
Comments are closed.