ନୂଆପଡା :ଯାତ୍ରା ଦେଖି ଘରକୁ ଫେରିବା ବାଟରେ ଟ୍ରକ ଧକ୍କାରେ ଚାଲିଗଲା କାକା ସହ ଦୁଇ ପୁତୁରାଙ୍କ ଜୀବନ । ଏମିତି ଏକ ଦୁଃଖଦ ଘଟଣା ଘଟିଛି ନୂଆପଡ଼ା ଜିଲ୍ଲା ଲଖନା ଥାନା ଦଲଦଳି ଛକରେ। ମୃତକ ଦଲଦଳି ଗାଁର କାକା ଗୁଡ଼ୁ ଧରୁଆ ଓ ଦୁଇ ପୁତୁରା ହେତରାମ ଶବର, ଶ୍ୟାମ ଶବର। ରାତି ପ୍ରାୟ ୯ଟାରେ ଏକ ବାଇକରେ କାକା ଓ ଦୁଇ ପୁତୁରା ଘରକୁ ଫେରୁଥିଲେ। ଜାତୀୟ ରାଜପଥ ୩୫୩ ଦଲଦଳି ଛକ ନିକଟରେ ଏକ ଟ୍ରକ ବାଇକକୁ ଧକ୍କା ଦେଇଥିଲା ।ଏଥିରେ କାକା ଓ ଦୁଇ ପୁତୁରା ଛିଟିକି ପଡି ଗୁରୁତର ଆହତ ହୋଇଥିଲେ ।
ସ୍ଥାନୀୟ ଲୋକଙ୍କ ସହାୟତାରେ ଆମ୍ବୁଲାନ୍ସ ଯୋଗେ ନୂଆପଡ଼ା ଜିଲ୍ଲା ମୁଖ୍ୟ ଚିକିତ୍ସାଳୟକୁ ଆଣିଥିଲେ । ସେଠାରେ କାକା ଓ ଦୁଇ ପୁତୁରାଙ୍କୁ ଡାକ୍ତର ମୃତ ଘୋଷଣା କରିଥିଲେ । ତେବେ ଦୁର୍ଘଟଣାକାରୀ ଟ୍ରକ ଫେରାର ହୋଇ ଯାଇଛି । ଏବେ କାକା ଓ ଦୁଇ ପୁତୁରାଙ୍କ ମୃତଦେହ ଜିଲ୍ଲା ମୁଖ୍ୟ ଚିକିତ୍ସାଳୟରେ ରଖା ଯାଇଛି । ଆସନ୍ତା କାଲି ମୃତଦେହକୁ ବ୍ୟବଚ୍ଛେଦ କରି ପରିବାର ଲୋକଙ୍କୁ ହସ୍ତାନ୍ତର କରାଯିବ ।

Comments are closed.