ଭୁବନେଶ୍ୱର : ବିଜୁ ଜନତା ଦଳରୁଇସ୍ତଫା ଦେଲେ ଆଉଜଣେ ଟାଣୁଆ ନେତା । ଗତ କିଛି ଦିନରେ ଅନେକ ନେତା ବିଜେଡି ଛାଡ଼ିଥିବା ବେଳେ ଆଜି ବଡ଼ମ୍ବା ବ୍ଲକ ଅଧ୍ୟକ୍ଷ ରଘୁପତି ମହାନ୍ତି ବିଜେଡି ଛାଡ଼ିଛନ୍ତି । ଦଳର ପ୍ରାଥମିକ ସଭ୍ୟ ପଦରୁ ଇସ୍ତଫା ନେଇ ଦଳର ସୁପ୍ରିମୋ ନବୀନ ପଟ୍ଟନାୟକଙ୍କୁ ସେ ନିଜ ଇସ୍ତଫାପତ୍ର ପଠାଇଛନ୍ତି । ତେବେ ଏହାପରେ ସେ କେଉଁ ଦଳକୁ ସାମିଲ ହେବେ କିମ୍ବା ସ୍ୱାଧୀନ ରହିବେ ସେ ନେଇ କୌଣସି ସ୍ପଷ୍ଟ ହୋଇ ପାରିନାହିଁ ।
ସେ ନିଜ ଇସ୍ତଫା ପତ୍ରରେ ଲେଖିଛନ୍ତି, ଗତ ବହୁ ବର୍ଷ ଧରି ଜଣେ ସଭ୍ୟ ଭାବରେ ମୋ’ ଅଞ୍ଚଳର ଉନ୍ନତି ପାଇଁ ସମସ୍ତ ପ୍ରୟାସ କରିଅଛନ୍ତି। ଦଳ ଦେଇଥିବା ସମସ୍ତ ଦାୟିତ୍ୱ ଅତ୍ୟନ୍ତ ନିଷ୍ଠା, ପରିଶ୍ରମ ଏବଂ ସ୍ଥିରତାର ସହିତ ତୁଲାଇଛି। ବିଭିନ୍ନ ରାଜନୈତିକ ଏବଂ ସାଂଗଠନିକ କାର୍ଯ୍ୟ ବୃଦ୍ଧି କରିବାରେ ଦଳରେ ମୋ’ ସେବାର ଆବଶ୍ୟକତା ନ ଥିବା ଉପଲବ୍ଧି କଲି। ଯେଉଁଥିପାଇଁ ମୁଁ ଦଳ ଛାଡୁଛି। ତେଣୁ ଆଗକୁ ବଢ଼ିବା ପାଇଁ ସ୍ଥିର କଲି। ତେବେ ଇସ୍ତଫା ପତ୍ରରେ ସେ କେଉଁ ଦଳରେ ଯୋଗ ଦେବେ ସେ ବିଷୟରେ କିଛି ଉଲ୍ଲେଖ କରି ନଥିବାବେଳେ ସେ କହିଛନ୍ତି , ଲୋକଙ୍କ ସେବା କରିବି ଏବଂ ଅଞ୍ଚଳର ବିକାଶ ପାଇଁ କାମ କରିବାକୁ ଚେଷ୍ଟା ଜାରି ରଖିବି ।
Comments are closed.