ମହାରାଷ୍ଟ୍ର : ଆସିଲା ମହାରାଷ୍ଟ୍ର ନିର୍ବାଚନ ଫଳାଫଳ I ମହାରାଷ୍ଟ୍ରରେ ମହାୟୁତିର ବଡ଼ ବିଜୟ । ବର୍ତ୍ତମାନ ଆସୁଥିବା ଟ୍ରେଣ୍ଡ ଅନୁସାରେ ମହାବିକାଶ ଅଘାଡିକୁ ବହୁ ପଛରେ ପକାଇଛି ମହାୟୁତି । ବହୁମତକୁ ପାର୍ କରିଛି ମହାୟୁତି ମେଣ୍ଟ। ବିଜେପି ନେତୃତ୍ୱାଧୀନ ଏହି ମେଣ୍ଟ ମ୍ୟାଜିକ୍ ନମ୍ବରକୁ ପାର୍ କରିଛି। ମିଡିଆ ରିପୋର୍ଟ ଅନୁଯାୟୀ ୨୮୮ ଆସନ ମଧ୍ୟରୁ ୨୨୦ଟିରେ ଶାସକ ମହାୟୁତି ଆଗୁଆ ରହିଛି । ବର୍ତ୍ତମାନ ପର୍ଯ୍ୟନ୍ତ ହୋଇଥିବା କାଉଣ୍ଟିଂରେ କେବଳ ବିଜେପି ୨୨.୩୯ ପ୍ରତିଶତ ଭୋଟ ପାଇବାରେ ସଫଳ ହୋଇଛି । ନିର୍ବାଚନ ଫଳାଫଳକୁ ନେଇ ବିଜେପି ପ୍ରାର୍ଥୀ ତଥା ପୂର୍ବତନ ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନବୀସ ତାଙ୍କ ‘ଏକ୍ସ’ ରେ ଲେଖିଛନ୍ତି ‘ଏକ ହୈ ତୋ ସେଫ ହୈ,ମୋଦି ହୈ ତୋ ମୁମ କିନ ହୈ’ ।
ମହାରାଷ୍ଟ୍ର ବିଧାନସଭାର ୨୮୮ ଆସନ ପାଇଁ ବିଜେପି ନେତୃତ୍ବାଧୀନ ଏନଡିଏ ଏବଂ କଂଗ୍ରେସ ନେତୃତ୍ବାଧୀନ ଇଣ୍ଡିଆ ମେଣ୍ଟ ମଧ୍ୟରେ କଡ଼ା ଟକ୍କର ଜାରି ରହିଥିଲା। ତେବେ ପରବର୍ତ୍ତୀ ସମୟରେ ଧାରାରେ ବଡ଼ ପରିବର୍ତ୍ତନ ଆସିଛି। କେବଳ ଭାରତୀୟ ଜନତା ପାର୍ଟି ୧୩୫ ଟି ଆସନରେ ଆଗୁଆ ରହିଛି। ସେହିପରି ୪୫ ଟି ଆସନରେ ସିନ୍ଦେ ସେନା ଏବଂ ଅଜିତ ପାୱାରଙ୍କ ଏନସିପି ୩୦ ଟି ସିଟରେ ଆଗୁଆ ରହିଛି। ଅନ୍ୟପଟେ ବିରୋଧୀଙ୍କ ମହାବିକାଶ ଅଘାଡି ମେଣ୍ଟ ୭୦ଟି ଆସନରେ ଆଗୁଆ ଅଛି।
ଗଣତି ଆରମ୍ଭ ହେବା ସମୟରେ ମହା ବିକାଶ ଅଗାଡି ମହାୟୁତି ସହିତ କଡା ଟକ୍କର ଦେଉଥିଲା । ଏହାପରେ ସମୟ ଅନୁସାରେ ଭୋଟ ଗଣତି ବଢିବା ପରେ ମହୁ ପଛକୁ ଆସିଥିଲା ମହାବିକାଶ ଅଗାଡି । ପ୍ରକାଶଥାଉକି, ବିଜେପି ନେତୃତ୍ୱରେ ଶିବସେନା (ସିନ୍ଧେ ଗୋଷ୍ଠୀ), ଏନସିପି (ଅଜିତ୍ ପାଓ୍ୱାର ଗୋଷ୍ଠୀ)କୁ ନେଇ ମହାୟୁତି । ସେହିପରି କଂଗ୍ରେସ ନେତୃତ୍ୱରେ ଶିବସେନା (ଉଦ୍ଧବ ଗୋଷ୍ଠୀ), ଏନସିପି (ଶରଦ ପାଓ୍ୱାର ଗୋଷ୍ଠୀ)କୁ ନେଇ ମହାବିକାଶ ଅଘାଡି ମେଣ୍ଟ ହୋଇଛି । ମହାୟୁତି ସପକ୍ଷରେ ଟ୍ରେଣ୍ଡି ରହିଥିବା ବେଳେ ଏହାକୁ ନେଇ ସଞ୍ଜୟ ରାଉତଙ୍କର ହୋସ୍ ଉଡିଯାଇଛି । ଏନେଇ ଶିବସେନା ସେନା ସଞ୍ଜୟ ରାଉତ କହିଛନ୍ତି, ଏହା ମହାରାଷ୍ଟ୍ର ଜନତାଙ୍କର ନିର୍ଣ୍ଣୟ ହୋଇନପାରେ । ମୁଁ ଜାଣିଛି ମାହାରାଷ୍ଚ୍ରବାସୀ କଣ ଚାହୁଁଛନ୍ତି । ଅନ୍ୟପଟେ ମହାୟୁତି ଭୋଟ ସପକ୍ଷରେ ରହିଥିବାରୁ ସେଲିବ୍ରେସନ ମଧ୍ୟ ଆରମ୍ଭ ହୋଇଥିବା ଦେଖାଯାଇଛି ।
Comments are closed.