ଭଦ୍ରକ: ପୁଣି ଲଜ୍ୟା। ୫ ବର୍ଷର ଶିଶୁକନ୍ୟାକୁ ଦୁଷ୍କର୍ମ କଲା ୫୫ ବର୍ଷୀୟ ବ୍ୟକ୍ତି। ଭଦ୍ରକ ଜିଲ୍ଲା ଧାମନଗର ଥାନା କାଞ୍ଜିଆପାଳ ଅଞ୍ଚଳରେ ଏକ ୫ ବର୍ଷର ଶିଶୁକନ୍ୟାକୁ ଦୁଷ୍କର୍ମ କରିବା ଅଭିଯୋଗ ହୋଇଛି। ଜଣେ ୫୫ ବର୍ଷୀୟ ବ୍ୟକ୍ତିଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି। ଗିରଫ ଅଭିଯୁକ୍ତଙ୍କ ନାଁ ପାଗଳ ଦାସ।
ସୂଚନା ଅନୁସାରେ, ଗତ ୧୫ ତାରିଖ ସନ୍ଧ୍ୟାରେ ଶିଶୁକନ୍ୟାଟି ନିଜ ଘର ପିଣ୍ଡାରେ ଖେଳୁଥିବା ବେଳେ ମୋବାଇଲ ଦେଖାଇ ପାଗଳ ଦାସ ତାକୁ ଗାଁ ପାଖରେ ଥିବା ଏକ ଇଟାଭାଟିକୁ ନେଇ ଦୁଷ୍କର୍ମ କରିଥିଲା। ଘଟଣା ସଂପର୍କରେ ଶିଶୁକନ୍ୟାଟି ତା’ ମା’କୁ କହିଥିଲା। ଏନେଇ ପରିବାର ଲୋକେ ଗାଁ ଲୋକଙ୍କୁ ଜଣାଇଥିଲେ। ପରେ ଶିଶୁଟିର ବାପାମା’ ଘଟଣା ସଂପର୍କରେ ଥାନାରେ ଅଭିଯୋଗ କରିଥିଲେ।
Comments are closed.