ଆଜିକାଲିର ବ୍ୟସ୍ତ ବହୂଳ ଜୀବନରେ ନିଜ ପ୍ରତି ଧ୍ୟାନ ଦେବା ବେଶ୍ କଠିନ ହୋଇପଡିଛି । ଯାହା ବେଳେବେଳେ ଆମ ଶରୀର ଉପରେ ଖରାପ ପ୍ରଭାବ ପକାଉଛି । ତେବେ ଏଭଳି କିଛି ଖାଦ୍ୟ ଅଛି ଯାହାକୁ ନିଜ ଖାଦ୍ୟ ତାଲିକାରେ ସାମିଲ କଲେ ଖୁବ୍ ସହଜରେ ଆପଣ ଫିଟ୍ ରହିପାରିବେ । ତେବେ ବର୍ତ୍ତମାନ ବେଲି ଫ୍ୟାଟ୍ ସମସ୍ତଙ୍କ ମୁଣ୍ଡ ବିନ୍ଧାର କାରଣ ସାଜିଛି । ଏଥିପାଇଁ ମଧ୍ୟ ସମାଧାନ ରହିଛି । ସକାଳୁ ଏଭଳି କିଛି ପାନୀୟ ଅଛି ଯାହାକୁ ପିଇବା ଦ୍ୱାରା ବେଲି ଫ୍ୟାଟ୍ କମ କରିପାରିବେ ।
ହନି ଲେମନ୍ ୱାଟର
ପେଟର ଚର୍ବି କମାଇବା ପାଇଁ ପାଣିରେ ମହୁ ଓ ଲେମ୍ବୁ ମିଶାଇ ପିଇବା ଏକ ବହୁତ ପୁରୁଣା ପ୍ରକ୍ରିୟା । ଏହି ଉପାୟ କରିବା ପାଇଁ ବହୁତ କମ ସମୟ ସହ କମ ପରିଶ୍ରମ ଲାଗିଥାଏ । ଅଳ୍ପ ଉଷୁମ ପାଣିରେ କେଇ ଠୋପା ଲେମ୍ବୁ ରସ, ଏକ ଚାମଚ ମହୁ ମିଶାଇ ସକାଳୁ ପିଅନ୍ତୁ । ଏହା ପୂରା ଦିନ ଆପଣଙ୍କୁ ଫ୍ରେସ୍ ରଖିବା ସହିତ ପେଟର ଚର୍ବି କମାଇବାରେ ସହାୟକ ହେବ ।
ଆପଲ୍ ସାଇଡ୍ ଭିନେଗାର-
ଗୋଟିଏ ଗ୍ଲାସ ଉଷୁମ ପାଣିରେ ଏକ ଚାମଚ ଆପଲ ସାଇଡ୍ ଭିନେଗାର ମିଶାନ୍ତୁ । ଏହାକୁ ସକାଳୁ ପିଅନ୍ତୁ, ତେବେ ଏହାକୁ ପିଇବାର ୩୦ ମିନିଟ୍ ପର୍ଯ୍ୟନ୍ତ କୌଣସି ଖାଦ୍ୟ ଖାଆନ୍ତୁ ନାହିଁ । ଏପରି କରିବା ଦ୍ୱାରା ପେଟ ଚର୍ବି କମିବା ସହିତ ଓଜନ ନିୟନ୍ତ୍ରଣରେ ରହିଥାଏ ।
ଜୀରା ପାଣି
ସମସ୍ତଙ୍କ ରୋଷେଇଘରେ ଜୀରା ସର୍ବଦା ମିଳିଥାଏ । ଏହାର ଅନେକ ଔଷଧୀୟଗୁଣ ମଧ୍ୟ ରହିଛି । ତେବେ ଏକ ଚାମଚ ଜୀରାକୁ ରାତିରେ ପାଣିରେ ବତୁରାଇ ଦିଅନ୍ତୁ । ସକାଳୁ ଏହାକୁ ଛାଣି ଖାଲି ପେଟରେ ପିଅନ୍ତୁ । ଏହା ବେଶ୍ ସ୍ୱାସ୍ଥ୍ୟପୋଯୋଗୀ ହୋଇଥାଏ ।
ପାନମଧୁରୀ ପାଣି
ଜୀରା ଭଳି ପାନମଧୁରୀ ମଧ୍ୟ ଚର୍ବି କମାଇବାରେ ବେଶ୍ ସହାୟକ ହୋଇଥାଏ । ଏହାକୁ ମଧ୍ୟ ରାତିରୁ ବତୁରାଇ ସକାଳୁ ଛାଣି ପିଅନ୍ତୁ । ଏହା ବିଭିନ୍ନ ପେଟ ରୋଗ ପାଇଁ ଉପକାରୀ ହୋଇଥାଏ ।
Comments are closed.