ଭୁବନେଶ୍ୱର : ରାଜ୍ୟର ଯେଉଁସବୁ ସ୍କୁଲରେ ଶିକ୍ଷକ ଅଭାବ ସେ ବିଦ୍ୟାଳୟକୁ ଅନ୍ୟ ବିଦ୍ୟାଳୟର ଶିକ୍ଷକଙ୍କୁ ନିଯୁକ୍ତି ଦିଆଯିବ । ଯେଉଁ ବିଦ୍ୟାଳୟରେ ଅଧିକ ଶିକ୍ଷକ ଥିବେ ସେମାନଙ୍କୁ ଜିଲ୍ଲା ସ୍ତରୀୟ ବଦଳି କରି, ଶିକ୍ଷକ ଆବଶ୍ୟକ ଥିବା ସ୍କୁଲ ଗୁଡିକରେ ନିଯୁକ୍ତ କରାଯିବ । ବିଧାନସଭାରେ ବିଜେଡ଼ି ବିଧାୟକ ଅଶ୍ୱିନୀ ପାତ୍ରଙ୍କ ପ୍ରଶ୍ନରେ ଉତ୍ତର ରଖିଛନ୍ତି ବିଦ୍ୟାଳୟ ଓ ଗଣଶିକ୍ଷା ମନ୍ତ୍ରୀ ନିତ୍ୟାନନ୍ଦ ଗଣ୍ଡ । ଚଳିତ ବର୍ଷ ଶିକ୍ଷକ ରେସିଓନାଲାଇଜେସନ୍ ହେବ ବୋଲି ଗଣଶିକ୍ଷା ମନ୍ତ୍ରୀ କହିଛନ୍ତି । ରେସିଓନାଲାଇଜେସନ୍ର ଅର୍ଥ ହେଉଛି ଶିକ୍ଷକ ଓ ଛାତ୍ରଛାତ୍ରୀ ଅନୁପାତ ହିସାବରେ ନିଯୁକ୍ତି ପ୍ରଦାନ । ଆରଟିଇ ୨୦୦୯ ଆଧାରରେ ୩୦ରୁ ୩୫ ଜଣ ଛାତ୍ରଛାତ୍ରୀଙ୍କୁ ନେଇ ଜଣେ ଶିକ୍ଷକ ନିଯୁକ୍ତି ଦିଆଯାଉଛି । ରାଜ୍ୟରେ ଶିକ୍ଷକ-ଛାତ୍ର ଅନୁପାତ ଆଧାରରେ ୫୬୯୯ଟି ବିଦ୍ୟାଳୟ ରହିଛି । ସେଥିମଧ୍ୟରୁ ୪୧୮୩ଟି ପ୍ରାଥମିକ ଓ ୧୫୧୬ଟି ଉଚ୍ଚ ପ୍ରାଥମିକ ସ୍କୁଲ ରହିଛି ।
Comments are closed.