ଭୁବନେଶ୍ୱର : କମିଶନରେଟ ପୋଲିସକୁ ବଡ଼ ସଫଳତା । ବାଇକ ଚୋର ରାକେଟକୁ ଧରିଲା କମିଶନରେଟ ପୋଲିସ । ୬ ଜଣ ବାଇକ ଚୋରଙ୍କୁ ଗିରଫ କରିଛି ବଡ଼ଗଡ଼ ଥାନା ପୋଲିସ । ଏମାନଙ୍କ ନିକଟରୁ ଏହି ୩୧ଟି ଚୋରି ବାଇକ ସହ ୫ଟି ମାଷ୍ଟର ଚାବି ଜବତ କରାଯାଇଛି । ଏନେଇ ଆଜି ଏକ ସାମ୍ବାଦିକ ସମ୍ମିଳନୀରେ ସୂଚନା ଦେଇଛନ୍ତି ପୁଲିସ କମିଶନର ସଞ୍ଜୀବ ପଣ୍ଡା । ବାଇକ ଚୋରଙ୍କଠାରୁ ଚୋରି ବାଇକ କିଣିଥିବା ଅଭିଯୋଗରେ ୨ଜଣଙ୍କୁ ଗିରଫ କରାଯାଇଛି । ଏହି ଗ୍ୟାଙ୍ଗ ହସ୍ପିଟାଲ, ମାର୍କେଟ ଓ ସ୍କୁଲ ସାମ୍ନାରୁ ବାଇକ ଚୋରି କରୁଥିଲେ। ଅନେକ ଦିନ ହେବ କମିଶନରେଟ ପୁଲିସର ସ୍କାନରେ ଥିଲା ଏହି ଗ୍ୟାଙ୍ଗ । ଗ୍ୟାଙ୍ଗର ମୁଖ୍ୟ ଅଭିଯୁକ୍ତ କ୍ରିଷ୍ଣା କାଣ୍ଡି ଗ୍ୟାଙ୍ଗ ରାଜଧାନୀରେ ହିରୋ କମ୍ପାନୀର ଗାଡିକୁ ଟାର୍ଗେଟ କରୁଥିଲେ। ଗାଡି ଚୋରଙ୍କ ନାଁରେ ପୂର୍ବରୁ ଅନେକ ଅଭିଯୋଗ ରହିଛି । କ୍ରିଷ୍ଣା ନାଁରେ ଭୁବନେଶ୍ୱରର ଅନେକ ଥାନାରେ ମାମଲା ରହିଛି। ଅନ୍ୟ ଜିଲ୍ଲା ପୁଲିସ ସହ ଯୋଗାଯୋଗରେ ରହିଛି ପୋଲିସ ।
Comments are closed.