ବିଦ୍ୟୁତ ଆଘାତରେ ମା’ପୁଅଙ୍କ ମୃତ୍ୟୁ

ବୋରିଗୁମ୍ମା : ବିଦ୍ୟୁତ ଆଘାତରେ ଚାଲିଗଲା ମା’ପୁଅଙ୍କ ଜୀବନ I ପୁଅକୁ ବଞ୍ଚାଇବାକୁ ଯାଇ ମା’ମଧ୍ୟ ବିଦ୍ୟୁତ ଆଘାତରେ ପ୍ରାଣ ହରାଇଛନ୍ତି I ଏଭଳି ଏକ ଦୁଃଖଦାୟକ ଘଟଣା ଘଟିଛି ବୋରିଗୁମ୍ମା ଥାନା ଅନ୍ତର୍ଗତ ଜୟନ୍ତଗିରି ଗାଁରେ I ମୃତକ ଦୁଇଜଣ ହେଲେ ପୁଅ ଦୁର୍ଯ୍ୟୋଧନ ଅମାତ୍ୟ ଏବଂ ମା’ରମା ଅମାତ୍ୟ I ତେବେ ବିଦ୍ୟୁତ ଆଘାତରେ ଦୁର୍ଯ୍ୟୋଧନଙ୍କ ସ୍ତ୍ରୀ ଏବଂ ତାଙ୍କ ଶାଶୂ ଗୁରୁତର ହୋଇଥିବା ଜଣାଯାଇଛି।

ସୂଚନାନୁସାରେ,ଆଜି ସକାଳେ ପୁଅ ଦୁର୍ଯ୍ୟୋଧନ ଶୌଚ ହୋଇ ଆସି ଘର ତାରରୁ ଗାମୁଛା କାଢ଼ିବା ବେଳେ ବିଦ୍ୟୁତ ସଂସ୍ପର୍ଶରେ ଆସି ଯାଇଥିଲେ I ଏହି ସମୟରେ ତାଙ୍କୁ ବଞ୍ଚାଇବାକୁ ଆସି ମା’ ମଧ୍ୟ ବିଦ୍ୟୁତ ଆଘାତରେ ତଳେ ପଡି ଯାଇଥିଲେ I ଏହାଦେଖି ପାଖରେ ଥିବା ଦୁର୍ଯ୍ୟୋଧନଙ୍କ ସ୍ତ୍ରୀ,ଏବଂ ଶାଶୂ ଉଭୟଙ୍କୁ ଉଦ୍ଧାର କରିବାକୁ ଆସି ଗୁରୁତର ହୋଇପଡିଥିଲେ I ଏହି ଘଟଣାପରେ ପଡୋଶୀ ଆସି ସମସ୍ତ ଗୁରୁତରଙ୍କୁ ଜୟପୁର ମେଡିକାଲରେ ଭର୍ତି କରିଥିଲେ I ତେବେ ସେଠାରେ ମା’ପୁଅଙ୍କୁ ମୃତ ଘୋଷଣା କରିଥିବାବେଳେ ଦୁର୍ଯ୍ୟୋଧନଙ୍କ ସ୍ତ୍ରୀ ଏବଂ ଶାଶୂ ଚିକିତ୍ସାଧୀନ ଅଛନ୍ତି I