ୱାସିଂଟନ: କୁଖ୍ୟାତ ନିଶା କାରବାର ସିଣ୍ଡିକେଟ୍ ସିନାଲୋଲା କାର୍ଟେଲ୍ର ମୁଖ୍ୟ ସଂଚାଳକ ତଥା ମେକ୍ସିକୋର ଡ୍ରଗ୍ସ ମାଫିଆ ଇସମାଏଲ୍ ଏଲ୍ ମାୟୋ ଜମ୍ବାଡା ଓ ଅନ୍ୟ ଜଣେ ଡ୍ରଗ୍ସ ମାଫିଆର ପୁଅ ଜୋଆକୁଇନ୍ ଗୁଜାମନ୍ ଲୋପେଜ୍କୁ ଆମେରିକାର ଟେକ୍ସାସରେ ଗିରଫ କରାଯାଇଛି। ଆମେରିକାର ବିଚାର ବିଭାଗ (ଜଷ୍ଟିସ୍ ଡିପାର୍ଟମେଣ୍ଟ) ପକ୍ଷରୁ ଜାରି ସୂଚନାନୁସାରେ, ଜାମ୍ବାଡା ହେଉଛି ବିଶ୍ବର ପ୍ରମୁଖ ଡ୍ରଗ୍ସ ମାଫିଆ। ସମଗ୍ର ବିଶ୍ବରେ ଜାମ୍ବାଡ଼ାର ଡ୍ରଗ୍ସ କାରବାର ବ୍ୟାପିଛି। ଏହି ସମସ୍ତ କାରବାର ନିଜର ଇଙ୍ଗିତରେ ପରିଚାଳନା କରୁଥିଲେ ମଧ୍ୟ ସେ କୌଣସି ସମୟରେ ଲୋକଙ୍କ ସମ୍ମୁଖକୁ ଆସୁନଥିଲା। ଜାମ୍ବାଡ଼ାର ମୁଣ୍ଡ ଉପରେ ଆମେିରକା ସରାକାର ୧୫ ନିୟୁତ ଡଲାର ପୁରସ୍କାର ଘୋଷଣା କରିଥିଲେ। ଦୀର୍ଘ ପ୍ରଚେଷ୍ଟା ପରେ ମଧ୍ୟ ଗତ ୧୦ ବର୍ଷ ଧରି ସେ ଆମେରିକାର ଗୁଇନ୍ଦା ବିଭାଗ, ସିଆଇଏ ଓ ଏଫ୍ବିଆଇ ଆଖିରେ ଧୂଳି ଦେଇ ଖସି ଯାଉଥିଲା। ଆମେରିକାର ଜଷ୍ଟିସ୍ ବିଭାଗ ଏହି ଗିରଫକୁ ଏକ ବଡ଼ ସଫଳତା ବୋଲି କହିଛି। ଏଫ୍ବିଆଇ ନିର୍ଦ୍ଦେଶକ ଖ୍ରିଷ୍ଟୋଫର କହିଛନ୍ତି ଉଭୟ ଅଭିଯୁକ୍ତ ଆମେରିକା ଆଇନାନୁସାରେ ଦଣ୍ଡିତ ହେବେ।
Comments are closed.