ମିର୍ଜାପୁର ସିରିଜ୍ ବର୍ତ୍ତମାନ ବେଶ୍ ଚର୍ଚ୍ଚାରେ ରହିଛି । ଏହାର ଷ୍ଟାରକାଷ୍ଟଙ୍କୁ ନେଇ ଅନେକ ଆଲୋଚନା ହେଉଥିବାର ଦେଖିବାକୁ ମିଳିଛି । ସେହିଭଳି ଜଣେ ଷ୍ଟାରକାଷ୍ଟ ହେଲେ ପ୍ରଶଂସା ଶର୍ମା । ଯିଏ ବର୍ତ୍ତମାନ ନିଜ ଚରିତ୍ର ରଧିୟାକୁ ନେଇ ବେଶ୍ ଚର୍ଚ୍ଚାରେ ରହୁଛନ୍ତି । ହେଲେ ନିଜ ଚରିତ୍ର ଠାରୁ ରିଅଲ ଲାଇଫ୍ରେ ସମ୍ପୂର୍ଣ୍ଣ ଅଲଗା । ପିଲାଦିନରୁ ତାଙ୍କର ଅଭିନୟ ପାଇଁ ବେଶ ଭଲପାଇବା ରହିଥିଲା । ଯାହା ତାଙ୍କୁ ଅଭିନୟ ଜଗତକୁ ଟାଣି ଆଣିଥିଲା ବୋଲି ସେ ଏକ ସାକ୍ଷାତକାରରେ ପ୍ରକାଶ କରିଛନ୍ତି । ସେହିଭଳି ମିର୍ଜାପୁର ଦେଖିବା ପରେ ଅନେକ ଦର୍ଶକ ଭାବୁଛନ୍ତି ସେ ରିଅଲ ଲାଇଫ୍ରେ ମଧ୍ୟ ମିର୍ଜାପୁର ଚରିତ୍ର ପରି ହେଲେ ଏପରି ନୁହେଁ ବୋଲି ସେ ନିଜ ସାକ୍ଷାତକାରରେ ପ୍ରକାଶ କରିଛନ୍ତି । ମିର୍ଜାପୁରରେ ଅଭିନୟ କରିଥିବା ଚରିତ୍ର ଇଂରାଜୀ କହିଜାଣିନି ହେଲେ ରିଅଲ ଲାଇଫ୍ରେ ବେଶ୍ ଭଲ ଇଂରାଜୀ କହୁଛନ୍ତି ପ୍ରଶଂସା । ସେ ଦିଲ୍ଲୀ ବିଶ୍ୱବିଦ୍ୟାଳୟ ଅଧିନରେ ଥିବା ହିନ୍ଦୁ କଲେଜରୁ ଫିଲୋସପିରେ ପାଠ ପଢିଛନ୍ତି । ବିଟାଉନ୍ରେ ଅଭିନୟ କରିବା ଆଗରୁ ସେ ଥିଏଟରରେ ମଧ୍ୟ ଅଭିନୟ କରିଛନ୍ତି । ସେ ସ୍କୁଲ ଦିନରୁ ହିଁ ଥିଏଟରରେ ଅଭିନୟ କରିଛନ୍ତି । ମିର୍ଜାପୁର ଛଡା ତାଙ୍କୁ ଆଉ ଏକ ଥ୍ରିଲର େୱବ୍ସିରିଜ୍ ବିଚ୍ଛୁ କା ଖେଲରେ ମଧ୍ୟ ଦେଖିବାକୁ ମିଳିଛି । ସେ ଏଥିରେ ପୂନମ ଚରିତ୍ରରେ ଅଭିନୟ କରିଛନ୍ତି , ଯାହା ଦର୍ଶକଙ୍କୁ ପସନ୍ଦ ଆସିଥିଲା । ଆଗକୁ ସେ ଆହୁରି ଅନେକ ଭଲ ଚରିତ୍ରରେ ଅଭିନୟ କରିବାକୁ ଇଚ୍ଛା ରଖିଥିବା ପ୍ରକାଶ କରିଛନ୍ତି ।
Comments are closed.