ନୂଆଦିଲ୍ଲୀ : ମଣିପୁରରେ ଲୋକମାନେ ଏବେ ଭୟରେ ଜୀବନ କାଟୁଛନ୍ତି। ସେମାନଙ୍କ ଜୀବନ ଦୁର୍ବିସହ ହୋଇପଡ଼ିଛି। ସମସ୍ତେ ନିଜ ନିଜ ପେସା ଏବଂ ନିଶାକୁ ପଛ କରି ଏବେ କେବଳ ସେମାନଙ୍କ ସୁରକ୍ଷା କଥା ଚିନ୍ତା କରୁଛନ୍ତି। ମଣିପୁରରେ ଜଣେ ଶିକ୍ଷକ ଏବେ କଲମ ଛାଡ଼ି ବନ୍ଧୁକ ଧରିଛନ୍ତି। ସିଭିଲ୍ ସର୍ଭିସ ପରୀକ୍ଷା ପାଇଁ ପ୍ରସ୍ତୁତ ହେଉଥିବା ଜଣେ ଛାତ୍ର ହାତରେ ଅସ୍ତ୍ର ଧରି ଅଧିକାଂଶ ସମୟ ବଙ୍କରରେ ରହୁଛନ୍ତି। ମଣିପୁର ଲୋକଙ୍କ ଜୀବନ ସମ୍ପୂର୍ଣ୍ଣ ଭାବେ ବଦଳି ଯାଇଛି। ମଣିପୁରର ମୈତେଇ ଏବଂ କୁକି ସମ୍ପ୍ରଦାୟର ଅଧିକାଂଶ ଲୋକ ଏବେ ସେମାନଙ୍କ ଗ୍ରାମକୁ ସୁରକ୍ଷା ଦେବାପାଇଁ ହାତରେ ବାଇନୋକୁଲାର ଏବଂ ବନ୍ଧୁକ ଧରି ବଙ୍କରରେ ରହୁଛନ୍ତି। ଉଲ୍ଲେଖଯୋଗ୍ୟ ଯେ ମେ’ ୩ ତାରିଖରେ ମଣିପୁରରେ ହିଂସା ଉପୁଜିଥିଲା। ହିଂସା ଯୋଗୁଁ ୧୦୦ରୁ ଅଧିକ ଲୋକଙ୍କ ମୃତ୍ୟୁ ହୋଇଥିବାବେଳେ ପାଖାପାଖି ୨ ହଜାର ଘର ଜଳିଯାଇଛି। ୫୦ ହଜାର ଲୋକଙ୍କୁ ଥଇଥାନ ଶିବିରରେ ରହିବାକୁ ପଡ଼ିଛି। ମଣିପୁରରେ ସେନା, ଆସାମ ରାଇଫଲ୍ସ, ସିଏପିଏଫ୍ ଏବଂ ମଣିପୁର ପୁଲିସ ମୁତୟନ ସତ୍ତ୍ବେ ହିଂସା ଜାରି ରହିଛି।
Comments are closed.