ସଂସଦ ଭବନ ଉଦ୍ଘାଟନକୁ ନେଇ ସୁପ୍ରିମକୋର୍ଟରେ ପିଆଇଏଲ୍ ଦାଖଲ
ରାଷ୍ଟ୍ରପତି ନୂଆ ସଂସଦ ଭବନ ଉଦ୍ଘାଟନ କରିବା ଉଚିତ
ନୂଆଦିଲ୍ଲୀ : ରାଷ୍ଟ୍ରପତି ନୂଆ ସଂସଦ ଭବନ ଉଦ୍ଘାଟନ କରିବା ଦାବିରେ ସୁପ୍ରିମକୋର୍ଟରେ ଏକ ପିଆଇଏଲ୍ ଦାଖଲ ହୋଇଛି। ରାଷ୍ଟ୍ରପତିଙ୍କ ଦ୍ବାରା ନୂଆ ସଂସଦ ଭବନ ଉଦ୍ଘାଟନ କରାଇବାପାଇଁ ଲୋକସଭା ସଚିବାଳୟ ଏବଂ କେନ୍ଦ୍ର ସରକାରଙ୍କୁ ନିର୍ଦ୍ଦେଶ ଦେବାପାଇଁ ସୁପ୍ରିମକୋର୍ଟରେ ଆବେଦନ ହୋଇଛି। ସୁପ୍ରିମକୋର୍ଟ ଆଇନଜୀବୀ ସିଆର ଜୟା ସୁକିନଙ୍କ ଦ୍ବାରା ଏହି ପିଟିସନ୍ ଦାଖଲ ହୋଇଛି। ପିଟିସନରେ ଦର୍ଶାଯାଇଛି ଯେ ରାଷ୍ଟ୍ରପତିଙ୍କୁ ଉଦ୍ଘାଟନ ଉତ୍ସବରେ ସାମିଲ ନକରି କେନ୍ଦ୍ର ସରକାର ସମ୍ବିଧାନର ଉଲ୍ଲଂଘନ କରିଛନ୍ତି। ସଂସଦ ହେଉଛି ସର୍ବୋଚ୍ଚ ଆଇନ ପ୍ରଣୟନକାରୀ ସଂସ୍ଥା। ରାଷ୍ଟ୍ରପତି ଏବଂ ୨ ଗୃହ ଲୋକସଭା, ରାଜ୍ୟସଭାକୁ ନେଇ ସଂସଦ । ସମଗ୍ର ଗୃହକୁ ସମନ୍ କରିବା ଏବଂ ସମଗ୍ର ଗୃହକୁ ଅଚଳ କରିବାର କ୍ଷମତା ରାଷ୍ଟ୍ରପତିଙ୍କର ଅଛି। କିନ୍ତୁ କେନ୍ଦ୍ର ସରକାର ସଂସଦ ଭବନ ଉଦ୍ଘାଟନକୁ ରାଷ୍ଟ୍ରପତିଙ୍କୁ ଆମନ୍ତ୍ରିତ ନକରିବା ଆଦୌ ଠିକ୍ ନୁହେଁ।
Comments are closed.