ଭୁବନେଶ୍ୱର : କୁକୁର ମାଲିକଙ୍କ ପାଇଁ ବିଏମସି ଆଣିଲା ନୂଆ ନିୟମ I ଏଣିକି ରାଜଧାନୀରେ କୁକୁର ବେପାର ପାଇଁ ବିଏମସିର ଅନୁମତି ନେବାକୁ ପଡିବ । ଏ ସଂକ୍ରାନ୍ତରେ ପ୍ରସ୍ତାବକୁ ରାଜ୍ୟ ସରକାର ସ୍ୱୀକୃତି ପ୍ରଦାନ କରିଛନ୍ତି । ସେହିପରି ପୋଷା କୁକୁର ରଖିବା ପାଇଁ ଲୋକଙ୍କୁ ଏବେ ୫୦୦ ଟଙ୍କା ଦେଇ ବିଏମସିରେ ପଞ୍ଜିକରଣ କରିବାକୁ ପଡିବ । କୁକୁର ଯଦି ବାଟଘାଟରେ ମଳତ୍ୟାଗ ପରେ ମାଲିକଙ୍କୁ ମଳ ପୋଛିବାକୁ ପଡିବ ।
ବିଏମସିର ଏହି ଆଇନ ଅନୁଯାୟୀ, ଯଦି ଏହି ଆଇନକୁ କୁକୁର ମାଲିକ ନ ମାନନ୍ତି ତେବେ ସେମାନଙ୍କୁ ୧୦ ହଜାର ଟଙ୍କା ଜରିମାନା ଦେବା ସହ ଗିରଫ ହେବାକୁ ମଧ୍ୟ ପଡିପାରେ । ଖାସକରି ଯେଉଁ ମାଲିକମାନେ କୁକୁରଙ୍କୁ ଝାଡା ଫେରାଇବା ପାଇଁ ବାହାରକୁ ନେଉଛନ୍ତି ସେହି ମାନଙ୍କ ଉପରେ ଏହି ଆଇନ କଠୋର କରାଯାଇଛି । ଯଦି ସର୍ବସାଧାରଣ ସ୍ଥାନରେ ତାଙ୍କ କୁକୁର ମଳତ୍ୟାଗ କରେ ତେବେ କୁକୁର ମାଲିକଙ୍କୁ ଯାଇ ମଳ ପୋଛିବାକୁ ପଡିବ । ଏହା ବ୍ୟତୀତ ବର୍ତ୍ତମାନ କୁକୁରଙ୍କୁ କେହି ବ୍ୟବସାୟିକ ଉଦ୍ଦେଶ୍ୟରେ ବ୍ୟବହାର କରିପାରିବେ ନାହିଁ । ଯଦି ଏପରି ଧରାପଡନ୍ତି ତେବେ ସେମାନଙ୍କୁ ମୋଟା ଅଙ୍କର ଜରିମାନା ଦେବା ସହ ସେହି କୁକୁରକୁ ଜବତ କରାଯିବ ।
ଯଦି କୁକୁରକୁ ୪ ମାସରୁ କମ୍ ହୋଇଛି ତେବେ ମାଲିକ ସେହି କୁକୁରକୁ ରଖିପାରିବେନି । ଏହା ବ୍ୟତୀତ ପ୍ରତ୍ୟେକ ବର୍ଷ ଏପ୍ରିଲ ୧ ତାରିଖରେ କୁକୁରମାନଙ୍କର ପଞ୍ଜୀକରଣ ହେବ । ଏଥିପାଇଁ ମାଲିକଙ୍କୁ ୫୦୦ ଟଙ୍କା ଦାଖଲ କରିବାକୁ ହେବ । ଏହାର ଗୋଟିଏ ବର୍ଷ ବୈଧ ରହିବ । ବର୍ଷଟେ ପରେ ପୁଣି ୨୦୦ ଟଙ୍କା ନେଇ ଲାଇସେନ୍ସ ନବୀରକଣ କରିବାକୁ ପଡିବ ।
Comments are closed.