ଭୁବନେଶ୍ୱର : ମୋ ବସ ଧକ୍କାରେ କଟକ ଅତିରିକ୍ତ ଜିଲ୍ଲପାଙ୍କ ଗାଡି କ୍ଷତିଗ୍ରସ୍ତ ହେବ ଘଟଣାରେ ସାମ୍ନାକୁ ଆସିଲା ସିସିଟିଭି ଫୁଟେଜ୍ । ଦୁର୍ଘଟଣାରେ ମୋ ବସ ଡ୍ରାଇଭରଙ୍କର କୌଣସି ତ୍ରୁଟି ନଥିବା ଦର୍ଶାଇ କ୍ରୁଟ ଦୁର୍ଘଟଣା ସମୟର ସିସିଟିଭି ଭିଜୁଆଲ ଜାରି କରିଛି। ବସଟି ଡ୍ରାଇଭରଙ୍କ ନିୟନ୍ତ୍ରଣରେ ଥିଲା ଓ ଚାଳକ ଦୁର୍ଘଟଣାକୁ ରୋକିବାକୁ ଶକ୍ତିମତେ ସମସ୍ତ ଉଦ୍ୟମ କରିଥିଲେ ବୋଲି ମୋ ବସ୍ କର୍ତ୍ତୃପକ୍ଷ ସ୍ପଷ୍ଟୀକରଣ ଦେଇଛନ୍ତି।
ଘଟନାନୁସାରେ, ଗତକାଲି ଭୁବନେଶ୍ୱର ରାଜଭବନ ଛକରେ ଏକ ଗାଡିକୁ ଧକ୍କା ଦେଇଥିଲା ମୋ ବସ୍ । ଏହି ସମୟରେ ଅତିରିକ୍ତ-ଜିଲ୍ଲାପାଳଙ୍କ ଗାଡି ୟୁନିଟ୍- ୬ ପଟୁ ଆସୁଥିବାବଳେ ଏଜି ଛକରୁ ଆସୁଥିବା ମୋ ବସ୍ (ନମ୍ବର ୨୩)ପଛପଟୁ ଅତିରିକ୍ତ ଜିଲ୍ଲାପାଳଙ୍କ ଗାଡିକୁ ଧକ୍କା ଦେଇଥିଲା । ଏହି ଦୁର୍ଘଟଣାରେ ଅଳ୍ପକେ ବର୍ତ୍ତିଯାଇଥିଲେ ଏଡିଏମ୍ ପୂର୍ଣ୍ଣଚନ୍ଦ୍ର ମିଶ୍ର ଓ ମୋ ବସ୍ର ଯାତ୍ରୀ। ତେବେ ଅତିରିକ୍ତ ଜିଲ୍ଲାପାଳଙ୍କ ଗାଡି ସମ୍ପୂର୍ଣ୍ଣ ଭାଙ୍ଗି ଯାଇଛି । ଜିଲ୍ଲାପାଳଙ୍କୁ ପ୍ରାଥମିକ ଚିକିତ୍ସା ଦେବା ପାଇଁ ହସ୍ପିଟାଲ ନିଆଯାଇଥିଲା । ତେବେ ସେ ସୁରକ୍ଷିତ ଅଛନ୍ତି । ସେହିପରି ମୋ-ବସରେ ଥିବା ସମସ୍ତ ଯାତ୍ରୀ ମଧ୍ୟ ସୁରକ୍ଷିତ ଅଛନ୍ତି । ମୋ ବସରେ ଲାଗିଥିବା ସିସିଟିଭି କ୍ୟାମେରାରେ ଦୁର୍ଘଟଣା ସମୟର ଚିତ୍ର କଏଦ ହୋଇଛି । ଉଭୟ ଗାଡିକୁ ଜବତ କରି ତଦନ୍ତ ଚଳାଇଛି ପୋଲିସ I
Comments are closed.