ନୂଆଦିଲ୍ଲୀ : ମାଫିଆରୁ ରାଜନେତା ବନିଥିବା ଅତିକ-ଆଶ୍ରଫ ଦୁଇ ଭାଇଙ୍କ ହତ୍ୟାକାଣ୍ଡକୁ ନେଇ ସୁପ୍ରିମକୋର୍ଟ ଶୁକ୍ରବାର ଉତ୍ତରପ୍ରଦେଶ ସରକାରଙ୍କୁ ପ୍ରଶ୍ନ କରିଛନ୍ତି I ଦୁଇ ମାଫିଆ ଭାଇଙ୍କୁ ଆମ୍ବୁଲାନ୍ସରେ ଡାକ୍ତରଖାନା ଫାଟକ ନିକଟକୁ କାହିଁକି ନିଆଯାଇନଥିଲା? ଗ୍ୟାଙ୍ଗଷ୍ଟରଙ୍କ ହତ୍ୟା ଘଟଣାରେ ଅବସରପ୍ରାପ୍ତ ସର୍ବୋଚ୍ଚ ନ୍ୟାୟାଳୟର ବିଚାରପତିଙ୍କ ନେତୃତ୍ୱରେ ଶୁଣାଣି ବେଳେ ପଚାରିଥିଲେ ସେମାନଙ୍କୁ ଡାକ୍ତରୀ ପରୀକ୍ଷା ପାଇଁ,କାହିଁକି ରାସ୍ତାରେ ପ୍ୟାରେଡ୍ କରି ଡାକ୍ତରଖାନାକୁ ନିଆଯାଉଥିଲା ? ଗାଡିକୁ ସିଧାସଳଖ ଡାକ୍ତରଖାନା କାହିଁକି ନିଆଯାଇ ନ ଥିଲା?
ଏହି ପ୍ରଶ୍ନରେ ଉତ୍ତରପ୍ରଦେଶ ସରକାର କୋର୍ଟଙ୍କୁ କହିଥିଲେ କି, ସେମାନେ ଏହି ଘଟଣାର ତଦନ୍ତ ପାଇଁ ଏକ କମିଶନ ନିଯୁକ୍ତ କରିଛନ୍ତି। ସୁପ୍ରିମକୋର୍ଟ ୟୁପି ସରକାରଙ୍କୁ ଆଉ ଏକ ବଡ଼ ପ୍ରଶ୍ନ ପଚାରିଥିଲେ ଯେ ଅତିକ୍ ଅହମ୍ମଦ ଓ ତାଙ୍କ ଭାଇଙ୍କୁ ଖୋଲାଖୋଲି ଭାବେ ପରେଡ୍ କରି କାହିଁକି ନିଆଯାଇଥିଲା?
ଉତ୍ତରପ୍ରଦେଶ ର ଯୋଗୀ ଆଦିତ୍ୟନାଥ ସରକାରଙ୍କୁ ପ୍ରୟାଗରରାଜ ର ମୋତି ଲାଲ ନେହେରୁ ଡାକ୍ତରଖାନା ନିକଟରେ ଏପ୍ରିଲ ୧୫ ରେ ହୋଇଥିବା ଗୁଳି ବିନିମୟର ତଦନ୍ତ ପାଇଁ ଏପର୍ଯ୍ୟନ୍ତ ନିଆଯାଇଥିବା ପଦକ୍ଷେପ ସମ୍ପର୍କରେ ବିସ୍ତୃତ ବିବରଣୀ ଦାଖଲ କରିବାକୁ ନିର୍ଦ୍ଦେଶ ଦେଇଛନ୍ତି। ବେଞ୍ଚ କହିଛନ୍ତି, ‘ପୂର୍ବରୁ ଘଟିଥିବା ଘଟଣାଗୁଡ଼ିକ ସଂପର୍କରେ କଣ ପଦକ୍ଷେପ ନିଆଯାଇଛି ଏବଂ ଜଷ୍ଟିସ ଡକ୍ଟର ଚୌହାନ ଆୟୋଗଙ୍କ ରିପୋର୍ଟ ଅନୁଯାୟୀ କେଉଁ ପଦକ୍ଷେପ ନିଆଯାଇଛି ସେ ସମ୍ବନ୍ଧରେ ମଧ୍ୟ ଆଫିଡେଭିଟରେ ଜଣାଇବାକୁ ପଡ଼ିବ। ୟୁପି ସରକାର ତିନି ସପ୍ତାହ ମଧ୍ୟରେ ଏସବୁକୁ ତାଲିକାଭୁକ୍ତ କରି ସୁପ୍ରିମ କୋର୍ଟଙ୍କୁ ଜଣାଇବାକୁ ନିର୍ଦେଶ ଦିଆଯାଇଛି I
Comments are closed.