ଜିଆ ଖାଁ,ଆତ୍ମହତ୍ୟା ମାମଲାରେ ସୂରଜ ପାଞ୍ଚୋଲି ନିର୍ଦୋଷ,ହାଇକୋର୍ଟ ଯିବେ ରାବିୟା

ମୁମ୍ବାଇ : ବଲିଉଡ ଅଭିନେତ୍ରୀ ଜିଆ ଖାଁ ଆତ୍ମହତ୍ୟା ମାମଲାରେ ସୂରଜ ପାଞ୍ଚୋଲିଙ୍କୁ ଦୋଷ ମୁକ୍ତ କରିଛି ସିବିଆଇ I ଜିଆଙ୍କୁ ଆତ୍ମହତ୍ୟା କରିବା ପାଇଁ ସୂରଜ ଉସୁକାଇଥିବା ଅଭିଯୋଗ ରହିଥିଲା। ତେବେ ପ୍ରମାଣ ଅଭାବରୁ କୋର୍ଟ ସୂରଜଙ୍କୁ ନିର୍ଦ୍ଦୋଷ ଘୋଷଣା କରିଛନ୍ତି।

ଏହି ମାମଲାରେ ଜଷ୍ଟିସ୍ ଏସ୍ ଏସ୍ ସୟିଦ୍ କୋର୍ଟ ଏହାର ରାୟ ଶୁଣାଇଛନ୍ତି । କୋର୍ଟ କହିଛନ୍ତି ଯେ ସୁରଜ ସୂରଜ ପାଞ୍ଚୋଲିଙ୍କ ବିରୋଧରେ କୌଣସି ପ୍ରମାଣ ମିଳିନାହିଁ, ତେଣୁ ତାଙ୍କୁ ଏହି ଦୋଷରୁ ମୁକ୍ତ କରାଯାଇଛି। ଯଦି ଦେଖାଯାଏ ତେବେ ସୁରଜ ପଞ୍ଚୋଲିଙ୍କୁ ସିବିଆଇ କୋର୍ଟରୁ ଏକ ବଡ଼ ଆରାମ ମିଳିଛି।

ସିବିଆଇ କୋର୍ଟଙ୍କ ରାୟ ଆସିବା ପରେ ଜିଆ ଖାନଙ୍କ ମା’ ରାବିୟା ଖାଁ କହିଛନ୍ତି, ଏହା ହେଉଛି ଏକ ହତ୍ୟା ଘଟଣା। ମୁଁ ହାଇକୋର୍ଟ ଯିବି। ଏପର୍ଯ୍ୟନ୍ତ ଜିଆର ମୃତ୍ୟୁ ପଛର କାରଣ ଜଣାପଡ଼ିନାହିଁ।

କୋର୍ଟର ରାୟ ଆସିବା ପରେ ସୂରଜ ନିଜ ଇନଷ୍ଟାଗ୍ରାମ ଷ୍ଟୋରୀ ଜରିଆରେ ରାୟକୁ ନେଇ ନିଜର ପ୍ରତିକ୍ରିୟା ରଖିଛନ୍ତି। ନିଜ ଇନଷ୍ଟା ଷ୍ଟୋରୀରେ ସେ ଲେଖିଛନ୍ତି, ସତ୍ୟ ସର୍ବଦା ଜିତେ। ଏହା ସହ ସେ ଏକ ଲାଲ୍ ହୃଦୟ ଏବଂ ଏକ ହାତ ଯୋଡା ଇମୋଜି ଦେଇଛନ୍ତି। ଇମୋଜି ତଳେ ହାସଟ୍ୟାଗ୍ ଦେଇ ସୂରଜ ଲେଖିଛନ୍ତି, ଭଗବାନ ମହାନ।

ସୂଚନାଯୋଗ୍ୟ, ଗତ ୨୦୧୩ ଜୁନ ୩ରେ ମୁମ୍ବାଇ ଜୁହୁସ୍ଥିତ ଘରୁ ଜିୟା ଖାଁଙ୍କ ଝୁଲନ୍ତା ମୃତଦେହ ଉଦ୍ଧାର ହେବା ସହ ଏକ ୬ ପୃଷ୍ଠାର ଚିଠି ଜବତ ହୋଇଥିଲା । ଚିଠିଟି ଜିଆ ଖାଁ ଲେଖିଥିଲେ Iସେଥିରେ ସେ ଅଭିନେତା ଆଦିତ୍ୟ ପାଞ୍ଚୋଲିଙ୍କ ପୁଅ ସୂରଜ ଓ ତାଙ୍କ ପରିବାରଙ୍କ ସହ ସମ୍ପର୍କ ନେଇ ପ୍ରତିକୂଳ ମନ୍ତବ୍ୟ ଦର୍ଶାଇଥିଲେ । ସିବିଆଇ ଜୁନ୍ ୧୦, ୨୦୧୩ ରେ ଏହାର ତଦନ୍ତ ଆରମ୍ଭ କରିଥିଲା ଆତ୍ମହତ୍ୟାକୁ ପ୍ରୋତ୍ସାହନ ଦେବା ଅଭିଯୋଗରେ ସୂରଜଙ୍କୁ ଜୁନ ୨୦୧୩ ରେ ଗିରଫ କରାଯାଇଥିଲା । କିନ୍ତୁ ସେ ଜୁଲାଇ ୨୦୧୩ ରେ ଜାମିନ ପାଇଯାଇଥିଲେ I ତେବେ ସୂରଜଙ୍କ ଜାମିନ ବିରୋଧରେ ଜିୟାଙ୍କ ମା’ ବମ୍ବେ ହାଇକୋର୍ଟଙ୍କ ଦ୍ବାରସ୍ଥ ହୋଇଥିଲେ ଏବଂ ମାମଲାକୁ ସିବିଆଇକୁ ହସ୍ତାନ୍ତର କରିବା ଲାଗି ପ୍ରାର୍ଥନା କରିଥିଲେ । ଫଳରେ ୨୦୧୪ରେ ମାମଲାର ତଦନ୍ତ ଭାର ସିବିଆଇ ହାତକୁ ଯାଇଥିଲା । ଡିସେମ୍ବର ୨୦୧୫ରେ ସିବିଆଇ ଚାର୍ଜସିଟ ଦାୟର କରିଥିଲା ।