ନୂଆଦିଲ୍ଲୀ : ଆପ୍ (ଆମ୍ ଆଦ୍ମୀ ପାର୍ଟି) ର ଶେଲି ଓବେରୋଇ ଦିଲ୍ଲୀ ମେୟର ଭାବେ ପୁନଃ ନିର୍ବାଚିତ ହୋଇଛନ୍ତି। ବିଜେପି ପ୍ରାର୍ଥୀ ଶିଖା ରାୟ ତାଙ୍କ ପ୍ରାର୍ଥିପତ୍ର ପ୍ରତ୍ୟାହାର କରିବାପରେ ଶେଲି ଓବେରୋଇ ପୁନର୍ବାର ଦ୍ବିତୀୟ ଥର ପାଇଁ ଦିଲ୍ଲୀ ମେୟର ନିର୍ବାଚିତ ହୋଇଛନ୍ତି। ଅନ୍ୟପକ୍ଷେ ଶିଖା ରାୟ କହିଛନ୍ତି, ଷ୍ଟାଣ୍ଡିଂ କମିଟି ନିର୍ବାଚନ ହୋଇନଥିବାରୁ ସେ ତାଙ୍କ ପ୍ରାର୍ଥିପତ୍ର ପ୍ରତ୍ୟାହାର କରିଛନ୍ତି। ସେହିପରି ଉପ ମେୟର ଆଲେ ମହମ୍ମଦ ଇକବଲଙ୍କୁ ଆଉ ଏକ କାର୍ଯ୍ୟକାଳ ମିଳିଛି। ବିଜେପି ପ୍ରାର୍ଥୀ ସୋନି ପାଣି ଓହରିଯିବାରୁ ଆଲେ ଦ୍ବିତୀୟ ଥର ଉପମେୟାର ନିର୍ବାଚିତ ହୋଇଛନ୍ତି। ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜ୍ରିୱାଲ ଆଜି ଶେଲି ଓବେରୋଇ ଏବଂ ଆଲେଙ୍କୁ ଶୁଭେଚ୍ଛା ଜଣାଇଛନ୍ତି। ଉଲ୍ଲେଖଯୋଗ୍ୟ ଯେ ଆର୍ଥିକ ବର୍ଷ ଶେଷରେ ଦିଲ୍ଲୀକୁ ଏକ ନୂଆ ମେୟର ମିଳିଥାଏ। ରୋଟେସନ୍ ଆଧାରରେ ଦିଲ୍ଲୀକୁ ୫ ବର୍ଷରେ ୫ ଜଣ ମେୟର ନିର୍ବାଚିତ ହୋଇଥାନ୍ତି। ପ୍ରଥମ ବର୍ଷ ମହିଳାଙ୍କ ପାଇଁ ସୁରକ୍ଷିତ। ଦ୍ବିତୀୟ ବର୍ଷ ସାଧାରଣ ବର୍ଗ, ତୃତୀୟ ବର୍ଷ ସଂରକ୍ଷିତ ଶ୍ରେଣୀ ଏବଂ ଶେଷ ୨ ବର୍ଷ ବି ସାଧାରଣ ବର୍ଗଙ୍କ ପାଇଁ ଉଦ୍ଦିଷ୍ଟ।
Comments are closed.