ଜଣାଶୁଣା ବଲିଉଡ ତଥା ଟେଲି ଅଭିନେତ୍ରୀ ନିଲୁ କୋହଲି ସ୍ୱାମୀଙ୍କର ମୃତ୍ୟୁ ଘଟିଛି I ବାଥରୁମରେ ଗୋଡ଼ ଖସି ଯିବାରୁ ନିଲୁଙ୍କ ସ୍ୱାମୀ ହରମିନ୍ଦର ସିଂ କୋହଲି ଅଚେତ ହୋଇଯାଇଥିଲେ I ଏହାପରେ ତାଙ୍କୁ ତୁରନ୍ତ ହସ୍ପିଟାଲ ନିଆଯାଇଥିଲା ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି I ସ୍ୱାମୀଙ୍କର ଅକସ୍ମାତ ମୃତ୍ୟୁକୁ ନେଇ ଅଭିନେତ୍ରୀଙ୍କୁ ମାନସିକ ଆଘାତ ଲାଗିଛି ।
ଜାତୀୟ ଗଣମାଧ୍ୟମ ରିପୋର୍ଟ ଅନୁସାରେ, ଗତ କାଲି ଶୁକ୍ରବାର ପର୍ଯ୍ୟନ୍ତ ସମ୍ପୂର୍ଣ୍ଣ ଠିକ ଠାକ ଥିଲେ ନିଲୁଙ୍କ ସ୍ୱାମୀ ହରମିନ୍ଦର ସିଂହ । ଦିନ ୧.୩୦ ସମୟରେ ସେ ଗୁରୁଦ୍ୱାର ଯାଇ ଫେରିବା ପରେ ସେ ବାଥରୁମକୁ ଯାଇଥିଲେ । ବାଥରୁମରେ ପାଦ ଖସିଯିବାରୁ ତଳେ ପଡିଯାଇଥିଲେ ଅଚେତ ହୋଇ ଯାଇଥିଲେ ହରମିନ୍ଦର । ତେବେ ଦୀର୍ଘ ସମୟ ବାଥରୁମରୁ ବାହାରକୁ ନ ବାହାରିବାରୁ ଗୃହ ସହାୟକ ଯାଇ ଚେକ୍ କରିଥିଲେ । ଏହାପରେ ତାଙ୍କୁ ସଙ୍ଗେ ସଙ୍ଗେ ଡାକ୍ତରଖାନାକୁ ନିଆଯାଇଥିଲା । କିନ୍ତୁ ଡାକ୍ତର ସେଠାରେ ମୃତ ଘାଷଣା କରିଛନ୍ତି । ଅଭିନେତ୍ରୀ ନିଲୁଙ୍କ ଘନିଷ୍ଠ ବାନ୍ଧବୀ ବନ୍ଦନା କହିଛନ୍ତି କି ହରମିନ୍ଦରଙ୍କର ମଧୁମେହ ଥିଲା I କିନ୍ତୁ ସେ ସମ୍ପୂର୍ଣ୍ଣ ଫିଟ ରହିଥିଲେ I ସବୁ କିଛି ଅକସ୍ମାତ ଘଟିଗଲା I ନିଲୁଙ୍କ ପୁଅ ବାହାରେ ରହୁଥିବାରୁ ସେ ଆସିଲେ ରବିବାର ଦିନ ବାପାଙ୍କର ଅନ୍ତିମ ସଂସ୍କାର କରାଯିବ I
Comments are closed.