ଭୁବେନେଶ୍ୱର :ଥମୁ ନାହିଁ ମହାନଦୀ ଜଳ ବିବାଦ ମାମଲା I ମହାନଦୀ ଜଳ ବିବାଦ ମାମଲାର ଶୁଣାଣି ଟ୍ରିବୁନାଲରେ ହୋଇଛି । ଟ୍ରିବ୍ୟୁନାଲ ସଦସ୍ୟ କ୍ଷେତ୍ର ପରିଦର୍ଶନରେ ଯିବାକୁ ନିଷ୍ପତ୍ତି ନେଇଛନ୍ତି। ୨ଟି ପର୍ଯ୍ୟାୟରେ ଟ୍ରିବ୍ୟୁନାଲ ସଦସ୍ୟ କ୍ଷେତ୍ର ପରିଦର୍ଶନରେ ଯିବେ ବୋଲି ଜଣାଯାଇଛି।
ଏପ୍ରିଲ ୧୭ରୁ ୨୧ ଓ ଏପ୍ରିଲ ୨୯ରୁ ମେ ୩ ପର୍ଯ୍ୟନ୍ତ ଦୁଇଟି ଫେଜରେ ଉପର ମୁଣ୍ଡରୁ କଲମା ବ୍ୟାରେଜ ଯାଏଁ ପରିଦର୍ଶନ କରିବ । ଛତିଶଗଡ଼ ଗସ୍ତ ସରିଲେ ଓଡ଼ିଶା ଅଞ୍ଚଳ ଗସ୍ତ ପାଇଁ ନିଷ୍ପତ୍ତି ନିଆଯାଇଛି । ମେ’ ମାସ ମଧ୍ୟରେ ଓଡ଼ିଶା ଗସ୍ତ ଶେଷ କରିବାକୁ ଯୋଜନା ରହିଛି । ଦ୍ବିତୀୟ ପର୍ଯ୍ୟାୟରେ ଏପ୍ରିଲ ୨୯ରୁ ୩ ମେ ପର୍ଯ୍ୟନ୍ତ ଓଡ଼ିଶା ଗ୍ରସ୍ତ କରିବେ ଟ୍ରିବ୍ୟୁନାଲ ଟିମ। ଟ୍ରିବ୍ୟୁନାଲର ଅଧ୍ୟକ୍ଷ ଏ.ମ ଖାନୱିଲକରଙ୍କ ଅଧ୍ୟକ୍ଷତାରେ ଟ୍ରିବ୍ୟୁନାଲର ତିନିଜଣିଆ ବେଞ୍ଚ ମାମଲାର ଶୁଣାଣି କରି ଏଭଳି ସ୍ଥିର କରିଛନ୍ତି।
ସୂଚନାନୁସାରେ,ମହାନଦୀରେ ପାଣି କମିଗଲେ ରାଜ୍ୟରେ ପ୍ରଭାବିତ ହେବ ବିଦ୍ୟୁତ ସେବା I ବନ୍ଦ ହୋଇପାରେ ବିଜୁଳି ଉତ୍ପାଦନ । ତେବେ ମହାନଦୀ ଟ୍ରିବୁନାଲ ଗଠନକୁ ୭ ବର୍ଷ ହେଲାଣି Iପୂର୍ବରୁ ମହାନଦୀ ଜଳ ବିବାଦ ମାମଲାରେ ଟ୍ରିବ୍ୟୁନାଲଙ୍କ ଦ୍ବାରା ନିଯୁକ୍ତ ଆସେସରଙ୍କ ଉପସ୍ଥିତିରେ ଓଡ଼ିଶା ଓ ଛତିଶଗଡ଼ ସରକାରଙ୍କ ବୈଷୟିକ ଟିମ ମହାନଦୀ ଅବବାହିକାର ୧୩ଟି ଉପଅବବାହିକା ଅଂଚଳର ସୀମା ନିର୍ଦ୍ଧାରଣ କରିଛନ୍ତି। ମହାନଦୀର ଉତ୍ପତ୍ତି ସ୍ତଳରୁ ମୁଣ୍ଡଳି ଆନିକଟ ପର୍ଯ୍ୟନ୍ତ ସମୁଦାୟ ୧,୩୨,୪୧୪ ବର୍ଗ କିମି ସୀମା ନିର୍ଦ୍ଧାରଣ କରାଯାଇଛି। ଏଥିରେ ଉପଅବବାହିକା ଅନ୍ତର୍ଗତ ମହାନଦୀର ଉତ୍ପତ୍ତି ସ୍ତଳରୁ ହୀରାକୁଦ ଜଳାଶୟ ପର୍ଯ୍ୟନ୍ତ ୧୭,୫୦୧ ବର୍ଗ କିମି, ହୀରାକୁଦ ଜଳାଶୟଠାରୁ ମୁଣ୍ଡଳି ଆନିକଟ ପର୍ଯ୍ୟନ୍ତ ୧୯,୫୯୭ ବର୍ଗ କିମି, ସିଓନାଥ ୩୦,୯୫୦ ବର୍ଗ କିମି, ହାସଦେଓ ୯୯୧୮ ବର୍ଗ କିମି, ମାଣ୍ଡ ୫୩୨୯ ବର୍ଗ କିମି, ଇବ ୧୨୫୭୫ ବର୍ଗ କିମି, ଛୋଟି କେଲୋ ୪୭୧ ବର୍ଗ କିମି, ମୁଖ୍ୟ କେଲୋ ୧୩୩୯ ବର୍ଗ କିମି, ରେସିଡୁଆଲ କେଲୋ ୧ ବର୍ଗ କିମି, ପାଇରି ୩୨୪୨ ବର୍ଗ କିମି, ଜୋଙ୍କ ୩୪୫୫ ବର୍ଗ କିମି, ଅଙ୍ଗ ୫୧୪୫ ବର୍ଗ କିମି ଓ ତେଲ ୨୨୮୮୯ ବର୍ଗ କିମି ନିର୍ଦ୍ଧାରଣ ହୋଇଛି।ସମୁଦାୟ ଅବବାହିକା ୧,୩୨,୪୧୪ ବର୍ଗ କିମି ନିର୍ଦ୍ଧାରଣ କରାଯାଇଛି।
ମହାନଦୀ ଅବବାହିକା ଅଂଚଳ ପରିସୀମା ନିର୍ଦ୍ଧାରଣ ପ୍ରକ୍ରିୟା ଶେଷ ହୋଇଥିବାରୁ ଟ୍ରିବ୍ୟୁନାଲ ଅବବାହିକା ଅଂଚଳ ପରିଦର୍ଶନ କରିବା ପ୍ରସଙ୍ଗରେ ନିଷ୍ପତ୍ତି ନେବାର ସମ୍ଭାବନା ସୃଷ୍ଟି ହୋଇଥିଲା।
Comments are closed.