ଚର୍ଚ୍ଚ ଭିତରେ ଆଖିବୁଜା ଗୁଳିମାଡ଼ ୭ ମୃତ,୧୦ ଆହତ

ଜର୍ମାନ : ଗୁରୁବାର ବିଳମ୍ବିତ ରାତିରେ ଜର୍ମାନୀର ହାମବର୍ଗ ସହରର ଏକ ଚର୍ଚ୍ଚରେ ଭୟଙ୍କର ଗୁଳିମାଡ଼ ଘଟିଛି I ଏଥିରେ ୭ ଜଣଙ୍କର ମୃତ୍ୟୁ ଘଟିଥିବା ବେଳେ ଅନେକ ଲୋକ ଆହତ ହୋଇଛନ୍ତି। ଏହି ଘଟଣା ଯିହୋବା ଉଇଟନେସ ଚର୍ଚ୍ଚରେ ଘଟିଛି I ରଏଟର୍ସ ରିପୋର୍ଟ ଅନୁସାରେ ମୃତକଙ୍କ ମଧ୍ୟରେ ଜଣେ ସୁଟର ଥାଇପାରେ ବୋଲି ସୂଚନା ମିଳିଛି I

ଜର୍ମାନୀ ପୁଲିସର ସୂଚନାନୁସାରେ,ଉତ୍ତର ଜର୍ମାନୀରେ ଥିବା ଯିହୋବା ଉଇଟନେସ ଚର୍ଚ୍ଚର କିଙ୍ଗଡମ୍‌ ହଲ୍‌ରେ ଗତକାଲି ରାତିରେ ପ୍ରାର୍ଥନା ଚାଲିଥିବା ବେଳେ ବହୁ ଲୋକ ଏକାଠି ହୋଇଥିଲେ। ଏହି ସମୟରେ ପ୍ରାୟ ୧୦ ମିନିଟ୍‌ରୁ ଅଧିକ ସମୟ ଆଖି ବୁଜା ଫାୟାରିଂ କରିଥିଲେ । ଏଥିରେ ୭ ଜଣଙ୍କର ମୃତ୍ୟୁ ଘଟିବା ସହିତ ପ୍ରାୟ ୨୫ ଜଣ ଆହତ ହୋଇଛନ୍ତି। ଏମାନଙ୍କ ମଧ୍ୟରୁ ୧୦ ଜଣଙ୍କର ଅବସ୍ଥା ଗୁରୁତର ରହିଛି I ଗୁଳିମାଡ଼ରେ କେଉଁମାନଙ୍କ ସଂପୃକ୍ତି ଅଛି ତଥା ଏହା ପଛର କାରଣ କ’ଣ ତାହା ସ୍ପଷ୍ଟ ହୋଇନି।

ପୋଲିସର ସୂଚନାନୁସାରେ, ସ୍ଥାନୀୟ ସମୟ ପ୍ରାୟ ୯ଟା ସମୟରେ ଏହି ଗୁଳି ବିନିମୟ ହୋଇଥିଲା। ଦି ଗାର୍ଡିଆନ ରିପୋର୍ଟ ଅନୁସାରେ ହାମବର୍ଗ ପୋଲିସ ଘଟଣାସ୍ଥଳରେ ପହଞ୍ଚି ସମଗ୍ର ଅଞ୍ଚଳକୁ ଘେରାବନ୍ଦୀ କରି ଟିକିନିଖି ଯାଞ୍ଚ କରୁଛି।ଏହି ଅଂଚଳରେ ପୁଣି ଥରେ ବିପଦ ଆଶଙ୍କା ଥିବାରୁ ଅଞ୍ଚଳବାସୀଙ୍କୁ ସଚେତନ କରାଇ ସେମାନଙ୍କୁ ଘର ଭିତରେ ରହିବାକୁ ପରାମର୍ଶ ଦେଇଛି। ଏଥିସହ ପୁଣି ଥରେ ଫାୟାରିଂ ଆଶଙ୍କାରେ ସ୍ଥାନୀୟ ଲୋକଙ୍କୁ ଘରୁ ନ ବାହାରିବାକୁ ପରାମର୍ଶ ଦିଆଯାଇଛି। ତେବେ ଏହି ଘଟଣାରେ କେତେ ଜଣ ଅଭିଯୁକ୍ତ ସାମିଲ ଅଛନ୍ତି, ତଥା ସେମାନଙ୍କ ଉଦ୍ଦେଶ୍ୟ କ’ଣ ଥିଲା ସେ ନେଇ କିଛି ସୂଚନା ମିଳିପାରିନି। ପୁଲିସ୍‌ ଘଟଣାସ୍ଥଳରେ ଥିବା ସିସିଟିଭି ଯାଞ୍ଚ କରୁଛି।

Govt

Comments are closed.