ୟୁ-ଟ୍ୟୁବର ନୂଆ ସିଇଓ ହେବେ ଭାରତୀୟ ବଂଶୋଦ୍ଭବ ନୀଲ ମୋହନ

ନୂଆଦିଲ୍ଲୀ : ଭିଡିଓ-ଷ୍ଟ୍ରିମିଂ ପ୍ଲାଟଫର୍ମ ୟୁଟ୍ୟୁବ୍ ର ନୂଆ ସିଇଓ ହେବେ ଭାରତୀୟ-ଆମେରିକୀୟ ନୀଲ ମୋହନ। ଏହାପୂର୍ବରୁ ୟୁଟ୍ୟୁବ ସିଇଓ ସୁଜାନ ୱୋଜିକ୍କି ତାଙ୍କ ପଦରୁ ଇସ୍ତଫା ଦେଇଛନ୍ତି। ଭାରତୀୟ ବଂଶୋଦ୍ଭବ ନିଲ ମୋହନ ସୁଜାନ ୱୋଜିକ୍କିଙ୍କ ସ୍ଥାନ ନେବେ। ୯ ବର୍ଷ ହେବ ୟୁଟ୍ୟୁବର ସିଇଓ ଭାବେ କାମ କରିଛନ୍ତି ଓ୍ଵଜସିକି। ଏ ନେଇ ୟୁ-ଟ୍ୟୁବ ପକ୍ଷରୁ ବିଧିବଦ୍ଧ ଭାବେ ଘୋଷଣା କରାଯାଇଛି । ଦୀର୍ଘ ଦିନ ଧରି ସୁଜାନ ୱୋଜିକ୍କିଙ୍କ ମୁଖ୍ୟ ସହଯୋଗୀ ଥିବା ନୀଲ ମୋହନ ବର୍ତ୍ତମାନ ୟୁଟ୍ୟୁବର ଚିଫ ପ୍ରଡକ୍ଟ ଅଫିସର ଅଛନ୍ତି I

ମାଇକ୍ରୋସଫ୍ଟର ସିଇଓ ସତ୍ୟ ନାଡେଲା, ଆଡୋବ ସିଇଓ ଶାନ୍ତନୁ ନାରାୟଣ ଏବଂ ଆଲଫାବେଟ ସିଇଓ ସୁନ୍ଦର ପିଚାଇଙ୍କ ସମେତ ଆର୍ନ୍ତଜାତୀୟ ଆଇଟି କ୍ଷେତ୍ରରେ ଭାରତୀୟଙ୍କ ଦବଦବା ବୃଦ୍ଧି ପାଉଛି I ନୀଲ ମୋହନ ବର୍ତ୍ତମାନ ଏହି ଭାରତୀୟଙ୍କ ଲିଷ୍ଟରେ ରହିବେ I ନୀଲ ମୋହନ ଜଣେ ମେରିକାନ୍ ଟେକ୍ ଜିଆଣ୍ଟ । ସେ ଷ୍ଟାନଫୋର୍ଡ ବିଶ୍ୱବିଦ୍ୟାଳୟରୁ ଇଲେକ୍ଟ୍ରିକାଲ୍ ଇଂଜିନିୟରିଂ ସ୍ନାତକ କରିଛନ୍ତି । ୨୦୦୮ରେ ସେ ଗୁଗୁଲରେ ଯୋଗ ଦେଇଥିଲୋ ଗୁଗଲର ବିଭିନ୍ନ ଗୁରୁତ୍ୱପୂର୍ଣ୍ଣ ପଦବୀରେ ଥିଲେ ନୀଲ । ୟୁଟ୍ୟୁବକୁ ଗୁଗଲ ଅକ୍ତିଆର କରିବା ପରେ ୨୦୧୫ରେ ସେ ଏହାର ଚିଫ୍ ପ୍ରଡକ୍ଟ ଅଫିସର ହୋଇଥିଲେ । ତାଙ୍କ ସମୟରେ ୟୁଟ୍ୟୁବରେ ଟିଭି, ମ୍ୟୁଜିକ, ପ୍ରିମିୟମ୍ ଓ ବହୁଳ ପ୍ରସାରିତ ଶର୍ଟ୍ସ ଆରମ୍ଭ ହୋଇଥିଲା । ୟୁଟ୍ୟୁବ ପୂର୍ବରୁ ସେ ଗୁଗୁଲରେ ଡିସପ୍ଲେ ଓ ଭିଡିଓ ଆଡସ୍‌ର ବରିଷ୍ଠ ଉପାଧ୍ୟକ୍ଷ ଥିଲେ । ଏହା ସହ ସେ ବହୁ କମ୍ପାନୀରେ ବୋର୍ଡ ଅଫ ଡାଇରେକ୍ଟରରେ ମଧ୍ୟ ସାମିଲ ଅଛନ୍ତି । ଆସେଞ୍ଜରରେ ସିନିୟର ଆନାଲିଷ୍ଟ ଭାବେ କାମ କରିଛନ୍ତି I

ୟୁ-ଟ୍ୟୁବ ର ସିଇଓ ପଦ ପାଇବା ପରେ ନୀଲ ମୋହନ ଟ୍ୱିଟ କରି କହିଛନ୍ତି, ଏହି ମହତ୍ୱପୂର୍ଣ୍ଣ ମିଶନ ଜାରି ରଖିବାକୁ ଉତ୍ସାହିତ ଅଛି ଓ ଏକ ନୂଆ ସୁନ୍ଦର ଭବିଷ୍ୟତ ଆଶା କରୁଛି। “ସୁଜାନ୍ ୱୋଜିକ୍କିଙ୍କୁ ଧନ୍ୟବାଦ, ବର୍ଷ ବର୍ଷ ଧରି ଆପଣଙ୍କ ସହ କାମ କରିମୁ ବହୁତ କିଛି ଶିଖି ପାରିଛି । ଦର୍ଶକଙ୍କ ପାଇଁ ଆପଣ ୟୁଟ୍ୟୁବ୍କୁ ଏକ ଅସାଧାରଣ ଘର ରୂପେ ଗଢ଼ି ତୋଳିଛନ୍ତି। ଏହି ଗୁରୁତ୍ୱପୂର୍ଣ୍ଣ ମିଶନ ଜାରି ରଖିବାକୁ ମୁଁ ଉତ୍ସାହିତ ଅଛି। ”

Thank you, @SusanWojcicki. It's been amazing to work with you over the years. You've built YouTube into an extraordinary home for creators and viewers. I'm excited to continue this awesome and important mission. Looking forward to what lies ahead… https://t.co/Rg5jXv1NGb

— Neal Mohan (@nealmohan) February 16, 2023

ଏହି ଗୁରୁତ୍ୱପୂର୍ଣ୍ଣ ମିଶନ ଜାରି ରଖିବାକୁ ସେ ଉତ୍ସାହିତ ଅଛନ୍ତି ଏବଂ ଏକ ନୂତନ ଭବିଷ୍ୟତକୁ ଅପେକ୍ଷା କରିଛନ୍ତି ବୋଲି ନୀଲ ମୋହନ ଟୁଇଟ୍ କରି କହିଛନ୍ତି I