ଲାହୋର : ପାକିସ୍ତାନର ପୂର୍ବତନ ରାଷ୍ଟ୍ରପତି ପରଭେଜ ମୁଶାରଫଙ୍କ ପରଲୋକ ହୋଇଯାଇଛି । ଦୁବାଇର ଏକ ହସପିଟାଲରେ ଚିକିତ୍ସାଧୀନ ଅବସ୍ଥାରେ ତାଙ୍କର ମୃତ୍ୟୁ ହୋଇଛି । ମୃତ୍ୟୁ ବେଳକୁ ତାଙ୍କୁ ୭୯ ବର୍ଷ ବୟସ ହୋଇଥିଲା I ସେ ଦୀର୍ଘଦିନ ଧରି ଅସୁସ୍ଥ ଥିଲେ I ପରଭେଜ ମୁଶାରରଫ ୧୧ ଅଗଷ୍ଟ ୧୯୪୩ ରେ ନୂଆଦିଲ୍ଲୀର ଦରିଆଗଞ୍ଜ ଅଞ୍ଚଳରେ ସେ ଜନ୍ମଗ୍ରହଣ କରିଥିଲେ I ଏହା ପରେ ତାଙ୍କ ପରିବାର ୧୯୪୭ ଭାରତ ବିଭାଜନ କିଛି ଦିନ ପୂର୍ବରୁ ପାକିସ୍ତାନ ଚାଲି ଯାଇଥିଲେ I
ତେବେ ଅନେକ ଦିନ ଧରି ବିଭିନ୍ନ ଶରୀରିକ ସମସ୍ୟା ଯୋଗୁଁ ସେ ଚିକିତ୍ସାଧିନ ଥିଲେ । ବିଶେଷ କରି ‘ଅମାଇଲାଇଡୋସିସ’୍ ନାମକ ବିରଳ ରୋଗରେ ଆକ୍ରାନ୍ତ ହୋଇ ଚିକତ୍ସିତ ହେଉଥିଲେ । ତାଙ୍କର ପରଲୋକ ହୋଇଥିବା ପାକିସ୍ତାନ ଗଣମାଧ୍ୟମରେ ଖବର ପ୍ରସାର କରାଯାଇଛି ।
ମୁଶାରଫ ପାକିସ୍ତାର ଜଣେ ଦୃଢ଼ ଆତଙ୍କବାଦୀ ସମର୍ଥକ ଥିଲେ। ଲସ୍କର୍-ଇ-ତୋଇବା ଆତଙ୍କବାଦୀ ସଙ୍ଗଠନର ସେ ସବୁଠୁ ବଡ଼ ସମର୍ଥକ ଥିଲେ । ଲସ୍କର୍-ଏ-ତୋଇବାର ପ୍ରତିଷ୍ଠାତା ଏବଂ ୨୬/୧୧ ମୁମ୍ବାଇ ଆକ୍ରମଣର ମାଷ୍ଟର୍ମାଇଣ୍ଡ୍ ହାଫିଜ୍ ସଇଦ୍ଙ୍କୁ ସେ ପସନ୍ଦ କରିନ୍ତି ସଇଦ୍ଙ୍କ ଦ୍ୱାରା ସ୍ଥାପିତ ଦୁଇଟି ଆତଙ୍କବାଦୀ ସଙ୍ଗଠନ ଲସ୍କର୍-ଇ-ତୋଇବା ଏବଂ ଜମାତ୍-ଉଦ୍-ଦାଓ୍ଵାର ସେ ବଡ଼ ସମର୍ଥକ ଥିଲେ । ଜାତି ସଂଘ ତାଙ୍କୁ ଗ୍ଲୋବାଲ୍ ଟେରରିଷ୍ଟ୍ ଆଖ୍ୟା ଦେଇଥିଲା। ଆମେରିକା ମଧ୍ୟ ତାଙ୍କୁ ଜଣେ ଆତଙ୍କବାଦୀ ବୋଲି କହିଥିଲା। ୨୦୦୮ ମୁମ୍ବାଇ ଆତଙ୍କବାଦ ଆକ୍ରମଣ ପରେ ତାଙ୍କ ଉପରେ ୧୦ ମିଲିୟନ୍ ଆମେରିକୀୟ ଡଲାର୍ ପୁରସ୍କାର ରାଶି ଘୋଷଣା କରିଥିଲା।
ଏଠାରେ ସୂଚନା ଯୋଗ୍ୟ ଯେ କାରଗିଲ ଯୁଦ୍ଧବେଳେ ପରଭେଜ ମୁଶାରଫ ସେନାମୁଖ୍ୟ ଥିଲେ ଏବଂ ଭାରତ ବିରୋଧରେ ଷଡ଼ଯନ୍ତ୍ର କରିଥିଲେ ।
Comments are closed.