ପେଶୱାର : ପାକିସ୍ଥାନ ପେଶୱାରରେ ଏକ ମସଜିଦରେ ଜଣେ ଆତ୍ମଘାତୀ ବୋମା ବିସ୍ଫୋରଣ ଘଟାଇ ନିଜ ସହିତ ୧୭ ଜଣଙ୍କ ଜୀବନ ନେଇଛି I ଏହି ଘଟଣାରେ ୮୦ ରୁ ଉର୍ଦ୍ଧ୍ବ ଆହତ ହୋଇଛନ୍ତି I ଷୋମବାର ଦିନ ୧.୪୦ ମିନିଟ ସମୟରେ ପେଶାୱାରର ପୋଲିସ ଲାଇନ୍ସ ପାଖରେ ଥିବା ମସଜିଦରେ ନମାଜ ପାଠ ପରେ ଏହି ବିସ୍ଫୋରଣ ଘଟିଥିଲା। ବିସ୍ଫୋରଣ ପୂର୍ବରୁ ମସଜିଦ ଭିତରୁ ଏକ ଭିଡିଓ ଚିତ୍ର,ଧ୍ୱସ୍ତ ହୋଇଥିବା ଭଗ୍ନାଂଶ ଭିତରୁ ଉଦ୍ଧାର କରାଯାଇଛି I ଜିଓ ନ୍ୟୁଜ୍ ରିପୋର୍ଟ ଅନୁସାରେ ‘ଆତ୍ମଘାତୀ ଆତଙ୍କବାଦୀ ‘ପ୍ରାର୍ଥନା ସମୟରେ ପ୍ରଥମ ଧାଡିରେ ବସିଥିଲା I ପ୍ରାର୍ଥନା ସାରିବା ପୂର୍ବରୁ ସେ ଏହି କାଣ୍ଡ ଘଟାଇଥିଲା I ସେଥିରେ ଉକ୍ତ ଆତ୍ମଘାତୀ ସହିତ ଏ ପର୍ଯ୍ୟନ୍ତ ୧୭ ଜଣ ଲୋକଙ୍କ ଜୀବନହାନୀ ଘଟିବା ସହିତ ୮୦ ରୁ ଉର୍ଦ୍ଦ୍ୱ ଲୋକ ଆହତ ହୋଇଛନ୍ତି I
ପୁଲିସ ମଧ୍ୟ ଘଟଣାସ୍ଥଳରେ ପହଞ୍ଚି ଆହତମାନଙ୍କୁ ଉଦ୍ଧାର କରିବାରେ ଲାଗି ପଡ଼ିଛି। ବିସ୍ପୋରଣର କାରଣ ଜଣାପଡ଼ି ନାହିଁ। ଏହା ପଛରେ କାହାର ହାତ ଅଛି ବା କେଉଁ ଆତଙ୍କବାଦୀଙ୍କ ସମ୍ପୃକ୍ତ ଅଛି ସେ ବିଷୟରେ ଜଣା ପଡି ନାହିଁ । ଅତୀତରେ ପାକିକସ୍ତନାରେ ଏମିତି ଅନେକ ସ୍କୁଲ ଏବଂ ମସଜିଦ୍କୁ ଟାର୍ଗେଟ କରାଯାଇଛି। ପେଶାୱାରର ଏଲଆରସି ହସ୍ପିଟାର ପ୍ରବକ୍ତା ମହମ୍ମଦ ଅସୀମଙ୍କ କହିବା ମୁତାବକ, ଏବେ ବି ଆହତମାନେ ହସ୍ପିଟାଲକୁ ଆସୁଛନ୍ତି । ସେମାନଙ୍କ ଭିତରୁ କିଛି ଲୋକଙ୍କ ଅବସ୍ଥା ସଙ୍କଟାପନ୍ନ ରହିଛି । ତେବେ ସେହି ଅଂଚଳକୁ ପୂରାପୂରା ଘେରାବନ୍ଦୀ କରିଦିଆଯାଇଛି । କେବଳ ଆମ୍ବୁଲାନ୍ସକୁ ଯିବା ଆସିବା ପାଇଁ ଅନୁମତି ଦିଆଯାଇଛି । ପୋଲିସ ଅଧିକାରୀ ସିକନ୍ଦର ଖାନଙ୍କ କହିବା ମୁତାବକ, କିଛି ଲୋକ ମାଟି ତଳେ ଚାପି ହୋଇଯାଇଥିବା ସୂଚନା ମିଳିଛି ।
ସେହିପରି ଆହତଙ୍କ ମଧ୍ୟରୁ ୧୩ ଜଣଙ୍କ ଅବସ୍ଥା ଗୁରୁତର ଥିବା ଡାକ୍ତରଖାନା ସୂତ୍ରରୁ ପ୍ରକାଶ। ଏହି ଅଞ୍ଚଳରେ ଜରୁରୀକାଳୀନ ପରିସ୍ଥିତି ଲାଗୁ କରାଯାଇଛି ଏବଂ ଏହି ଅଞ୍ଚଳକୁ କର୍ଡନ କରାଯାଇଛି।
Comments are closed.