ଖଣ୍ଡାରେ କେକ କାଟି ଚର୍ଚ୍ଚାରେ ରାମ ରହୀମ

ନୂଆଦିଲ୍ଲୀ : ଚର୍ଚ୍ଚାରେ ପୁଣି ଆତ୍ମଘୋଷିତ ଡେରା ସଚ୍ଚା ସୌଦା ବାବା ଗୁରମିତ ରାମରହିମ। ଦୁଷ୍କର୍ମ ଓ ହତ୍ୟା ମାମଲାରେ ସିରସା-ଡେରା ମୁଖ୍ୟଙ୍କୁ ୨୦ବର୍ଷ କାରାଦଣ୍ଡାଦେଶ ମିଳିଥିବା ବେଳେ ନିକଟରେ ସେ ୪୦ଦିନଲାଗି ପାରୋଲରେ ଆସିଛନ୍ତି। ତେବେ ପାରୋଲରେ ଆସି ସୋମବାର ଖଣ୍ଡା ଦ୍ୱାରା ବିଶାଳ କେକ୍ କାଟି ଉତ୍ସବ ପାଳନ କରୁଥିବା ଦେଖିବାକୁ ମିଳିଥିଲା। ଗଣମାଧ୍ୟମରେ ଏହି କେକ କାଟୁଥିବା ଭିଡିଓ ଭାଇରାଲ ହେବାରେ ଲାଗିଛି I

ସୂଚନାନୁସାରେ ଡେରା ସଚ୍ଚା ସୌଦା ବାବା ଗୁରମିତ ରାମରହିମ ତାଙ୍କର ଦୁଇ ଶିଷ୍ୟଙ୍କୁ ଦୁଷ୍କର୍ମ ଓ ହତ୍ୟା ଅଭିଯୋଗରେ ୨୦ ବର୍ଷ ଜେଲ ଦଣ୍ଡ ଭୋଗୁଛନ୍ତି I ଶନିବାର ଦିନ (୨୧-୦୧ -୨୩ )ରାମ ରହୀମ ହରିୟାଣାର ରୋହତକର ସୁନାରିଆ ଜେଲରୁ ବାହାରି ୪୦ ଦିନିଆ ପାରୋଲ ପାଇବା ପରେ ଉତ୍ତରପ୍ରଦେଶର ବାଗପାଟରେ ବର୍ଣ୍ଣୱା ଆଶ୍ରମରେ ପହଞ୍ଚିଥିଲେ। ସେଠାରେ ସେ ଏକ ବିଶାଳ କେକ୍ କୁ ଖଣ୍ଡା ରେ କାଟି ଉତ୍ସବ ପାଳନ କରୁଥିବାର ଏକ ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି।

ସେ ତାଙ୍କ ଜାମିନ ଆବେଦନରେ ଜାନୁଆରୀ ୨୫ରେ ଡେରାର ପୂର୍ବତନ ମୁଖ୍ୟ ଶହା ସତନାମ ସିଂହଙ୍କ ଜୟନ୍ତୀ କାର୍ଯ୍ୟକ୍ରମରେ ଯୋଗଦେବେ ବୋଲି ଦର୍ଶାଇଥିଲେ। ତା’ପରେ ସେ ଜେଲ୍‌ରୁ ବାହାରକୁ ଆସିଛନ୍ତି। ବାହାରକୁ ଆସିବା ପରେ ରାମ ରହିମଙ୍କ ଖୁସି କହିଲେ ନସରେ। କେକ୍ କାଟିବା ବେଳେ ସେ କହିଥିଲେ- ଦୀର୍ଘ ୫ ବର୍ଷ ପରେ ଏହି ସୁଯୋଗ ମିଳିଛି। ସେଥିପାଇଁ ମୁଁ ଏକାଥରେ ୫ଟି କେକ୍‌ କାଟିବା ଉଚିତ। ତେବେ ଅସ୍ତ୍ରଶସ୍ତ୍ର ଅଧିନିୟମ ଅନୁଯାୟୀ ସର୍ବସାଧାରଣରେ ହତିଆର ପ୍ରଦର୍ଶନ କରିବା(ଖଣ୍ଡା ଦ୍ୱାରା କେକ୍‌ କାଟିବା) ନିଷେଧ ରହିଛି I

ଏହାବାଦ ସେ ସୋମବାର ଦିନ, ହରିୟାଣାର ତଥା ଅନ୍ୟାନ୍ୟ ରାଜ୍ୟର ବିଭିନ୍ନ ସ୍ଥାନରେ ଡେରା ଶିଷ୍ୟ ମାନଙ୍କ ଦ୍ୱାରା ଆୟୋଜିତ ଏକ ବିଶାଳ ସ୍ୱଚ୍ଛତା ଅଭିଯାନର ଉଦଘାଟନ କରିଥିଲେ। ଏହି କାର୍ଯ୍ୟକ୍ରମରେ ରାଜ୍ୟସଭା ସାଂସଦ କୃଷ୍ଣ ଲାଲ ପାନୱାର ଏବଂ ପୂର୍ବତନ ମନ୍ତ୍ରୀ କୃଷ୍ଣ କୁମାର ବେଦୀଙ୍କ ସମେତ ହରିୟାଣାର କିଛି ବରିଷ୍ଠ ବିଜେପି ନେତାଙ୍କ ଅଂଶଗ୍ରହଣ ଦେଖିବାକୁ ମିଳିଥିଲା।

ସୂଚନା ଥାଉକି, ଗତ ୧୪ମାସ ମଧ୍ୟରେ ଏହା ଚତୁର୍ଥ ଥର ଏବଂ ତିନିମାସ ତଳେ ଦ୍ୱିତୀୟ ଥର ରାମ ରହୀମଙ୍କୁ ପାରୋଲ ଅନୁମତି ଦିଆଯାଇଛି। ଏହାପୂର୍ବରୁ, ହରିୟାଣା ପଞ୍ଚାୟତ ନିର୍ବାଚନ ଏବଂ ଆଦାମପୁର ବିଧାନସଭା ବାଇପୋଲ ପୂର୍ବରୁ ଅକ୍ଟୋବର ୨୦୨୨ ରେ ତାଙ୍କୁ ୪୦ଦିନ ପାରୋଲରେ ମୁକ୍ତ କରାଯାଇଥିଲା।

ଗତ ଅଗଷ୍ଟ ୨୦୧୭ ରେ ପଞ୍ଚକୁଲାରେ ଏକ ସ୍ୱତନ୍ତ୍ର ସିବିଆଇ କୋର୍ଟ ଦୁଷ୍କର୍ମ ଓ ହତ୍ୟାକାଣ୍ଡରେ ତାଙ୍କୁ ଦୋଷୀ ସାବ୍ୟସ୍ତ କରିଥିଲେ। ୨୦୧୯ ରେ ଗୁରୁମିତ ରାମ ରହୀମ ସିଂ ଏବଂ ଅନ୍ୟ ତିନିଜଣଙ୍କୁ ସାମ୍ବାଦିକ ହତ୍ୟା ମାମଲାରେ ଦୋଷୀ ସାବ୍ୟସ୍ତ କରାଯାଇଥିଲା।

Haryana | Dera Sacha Sauda chief Gurmeet Ram Rahim was spotted cutting a cake with a sword during his ongoing 40-day parole (23.01) pic.twitter.com/bVrD6ce5q7

— ANI (@ANI) January 24, 2023