ଢେଙ୍କାନାଳ:ଅଧାରେ ରହିଗଲା ପିକନିକ ମଉଜ I ବସ ଦୁର୍ଘଟଣାରେ ଚାଲିଗଲା ୨ ଜୀବନ I ଆଜି ସକାଳୁ ସକାଳୁ ଘଟିଛି ଏହିଭଳି ମର୍ମନ୍ତୁଦ ଦୁର୍ଘଟଣା I ପିକନିକ ସାରି ଫେରୁଥିବା ବେଳେ ଢେଙ୍କାନାଳ ସଦରଥାନା ଅନ୍ତର୍ଗତ ପଞ୍ଚୁବଟି ନିକଟରେ ବ୍ରିଜ୍ ଉପରୁ ତଳକୁ ଖସିପଡ଼ିଛି ବସ । ଏହି ଦୁର୍ଘଟଣାରେ ଦୁଇ ଜଣ ପ୍ରାଣ ହରାଇଥିବା ବେଳେ ୩୦ରୁ ଅଧିକ ଆହତ ହୋଇଛନ୍ତି ।ଆହତଙ୍କୁ ଉଦ୍ଧାର କରାଯାଇ ହସ୍ପିଟାଲରେ ଭର୍ତ୍ତି କରାଯାଇଛି ।
ସୂଚନା ଅନୁସାରେ କେନ୍ଦ୍ରାପଡାରୁ ଯାତ୍ରୀ ନେଇ ହରିଶଙ୍କର ଓ ସମ୍ବଲପୁର ଯାଇ ଫେରୁଥିବା ବେଳେ ଗତକାଲି ରାତିରେ ବସ୍ଟି ୫୫ନଂ ଜାତୀୟ ରାଜପଥ ସିମିନଈ ପଞ୍ଚୁବଟି ନିକଟରେ ଏକ ବ୍ରିଜ ଅତିକ୍ରମ କରୁଥିବା ବେଳେ ତଳକୁ ଖସି ପଡ଼ିଥିଲା । ବସ୍ଟି ଭାରସାମ୍ୟ ହରାଇ ବ୍ରିଜ ସାଇଟ ବାଡା ଭାଙ୍ଗି ଖସି ପଡ଼ିବାରୁ ଦୁର୍ଘଟଣା ଘଟିଛି । ଏହି ଦୁର୍ଘଟଣାରେ ପ୍ରାଣ ହରାଇଛନ୍ତି ଦୁଇ ମହିଳା । ମୃତକ ହେଲେ କେନ୍ଦ୍ରାପଡା ଇଛାପୁର ଗାଁର ରେଣୁବାଳା ଜେନା ଓ ବିଜୟଲକ୍ଷ୍ମୀ ସ୍ୱାଇଁ । ଅନ୍ୟପଟେ ସମସ୍ତ ଆହତଙ୍କୁ ପ୍ରଥମେ ଢେଙ୍କାନାଳ ହସ୍ପିଟାଲରେ ଭର୍ତ୍ତି କରାଯାଇଥିଲା ।
Comments are closed.