କାବୁଲ : ଅଜ୍ଞାତ ଆତତାୟୀ ଗୁଳି ମାଡ଼ରେ ଆଫଗାନିସ୍ଥାନ ର ପୂର୍ବତନ ମହିଳା ସାଂସଦ ମୁରସ ନାବିଜାଦା ଓ ତାଙ୍କ ଅଙ୍ଗରକ୍ଷୀ ନିହତ I ଏହି ଗୁଳି ମାଡ଼ରେ ସାଂସଦଙ୍କ ଭାଇ ଏବଂ ଅନ୍ୟ ଜଣେ ସୁରକ୍ଷାକର୍ମୀ ମଧ୍ୟ ଆହତ ହୋଇଛନ୍ତି I ନାବିଜାଦାଙ୍କୁ ତନବକ କାବୁଲ ସ୍ଥିତ ବାସଭବନରେ ଆକ୍ରମଣ କରାଯାଇଛି । ପୁଲିସ୍ ଏବେ ଦୁର୍ବୃତ୍ତମାନଙ୍କୁ ଠାବ କରିବାକୁ ଉଦ୍ୟମ ଜାରି ରଖିଛନ୍ତି।
୩୨ ବର୍ଷୀୟ ନାବିଜାଦା ପୂର୍ବ ପ୍ରାନ୍ତର ନଙ୍ଗରହାରରେ ଜନ୍ମ ଗ୍ରହଣ କରିଥିଲେ। ତେବେ ୨୦୧୯ରେ ସେ କାବୁଲରୁ ଜିତି ସଂସଦକୁ ଯାଇଥିଲେ। ତାଲିବାନ ଆଫଗାନିସ୍ତାନକୁ ଦଖଲ କରିବା ଯାଏ ସେ ସାଂସଦ ଭାବେ କାର୍ଯ୍ୟ କରୁଥିଲେ। ଆଫଗାନିସ୍ତାନ ସଂସଦରେ ନାବିଜାଦା ଜଣେ ସIହସୀ ମହିଳା ଥିଲେ I୨୦୨୧ ଅଗଷ୍ଟରେ ତାଲିବାନ୍ କ୍ଷମତା ଅକ୍ତିଆର କରିବା ପରେ କାବୁଲ୍ରେ ବସବାସ କରୁଥିବା ଅଳ୍ପ କେତଜଣ ମହିଳା ସାଂସଦଙ୍କ ମଧ୍ୟରେ ମୁର୍ସଲ୍ ନବୀଜାଦା ଥିଲେ ଅନ୍ୟତମ ।
ଶନିବାର ରାତି ପ୍ରାୟ ୩ଟା ବେଳେ ନବୀଜାଦା ଓ ତାଙ୍କ ଅଙ୍ଗରକ୍ଷୀଙ୍କୁ ଗୁଳି ମାରି ହତ୍ୟା କରାଯାଇଛି । ସେ ନିଜ ବାସଭବନରେ ଥିବା ଅଫିସ ସମୟରେ ଏହି ଗୁଳି ମାଡ଼ ହୋଇଥିଲା I ଏହି ଗୁଳିମାଡ଼ରେ ତାଙ୍କ ଭାଇ ଓ ଆଉ ଜଣେ ବଡିଗାର୍ଡ ଆହତ ହୋଇଛନ୍ତି। ତୃତୀୟ ବଡିଗାର୍ଡ ଜଣଙ୍କ ଘରେ ଥିବା ଟଙ୍କା ଓ ଅଳଙ୍କାର ନେଇ ଫେରାର ହୋଇ ଯାଇଥିବା ଜଣା ପଡିଛି I
Comments are closed.