ଭାରତରେ କରୋନା ର ନୂଆ ଭାରିଆଣ୍ଟ XBB.1.5 ସଂକ୍ରମିତ ଚିହ୍ନଟ

ୱାସିଂଟନ : ଗତ ୨ ବର୍ଷ ଧରି ସାରା ବିଶ୍ୱରେ କରୋନାର ତାଣ୍ଡବ ପରେ କିଛିଦିନ ଧରି ସ୍ୱାସ୍ଥ୍ୟ ଅବସ୍ଥା ସ୍ଥିର ରହିଥିଲା I ବର୍ତ୍ତମାନ ଚାଇନାରେ କରୋନାଭାଇରସ୍ BF.7 ଆତଙ୍କ ଖେଳାଇଚାଲିଛି I ପ୍ରତିଦିନ ହଜାର ହଜାର ସଂଖ୍ୟାରେ ଲୋକ ସଂକ୍ରମିତ ହେବା ସହିତ ଶହ ଶହ ସଂଖ୍ୟାରେ ଲୋକ ମୃତ୍ୟୁ ମୁଖରେ ପଡୁଛନ୍ତି I ଚାଇନାରେ କରୋନାଭାଇରସ୍ BF.7 ପରେ ଆମେରିକାରେ ଆଉ ଏକ ନୂଆ ପ୍ରଜାତି XBB.1.5 ଭାରିଆଣ୍ଟ (ଓମିକ୍ରନ୍ XBB.1.5 ଭାରିଆଣ୍ଟ) ସଂକ୍ରମଣ ମାମଲା ବୃଦ୍ଧି ପାଉଛି I ଆମେରିକାର ସିଡିସି (ରୋଗ ନିୟନ୍ତ୍ରଣ ଏବଂ ପ୍ରତିରୋଧ କେନ୍ଦ୍ର) ଅନୁଯାୟୀ, ଦେଶରେ ବର୍ତ୍ତମାନ XBB.1.5 କରୋନା ସଂକ୍ରମିତଙ୍କ ସଂଖ୍ୟ ୪୦ ପ୍ରତିଶତ ରହିଛି I କରୋନା ର ବଢୁଥିବା ସଂଖ୍ୟାକୁ ଦେଖି ସେଠାକାର ସ୍ୱାସ୍ଥ୍ୟ ବିଭାଗ ଚିନ୍ତା ପ୍ରକଟ କରିଛି I

ନ୍ୟୁଜ୍ ଏଜେନ୍ସି ରଏଟର୍ସ କୁ ଏକ ସାକ୍ଷାତ୍କାର ଦେଇ ଦେଇ ମିନେସୋଟା ୟୁନିଭରସିଟିର ଏପିଡେମୋଲୋଜିଷ୍ଟ୍ ଡ.ମାଇକେଲ୍ ଓଷ୍ଟେରହୋଲମ୍ କହିଛନ୍ତି, କରୋନା ର XBB.1.5 ଭାରିଆଣ୍ଟ ଟି ହେଉଛି ‘ବର୍ତ୍ତମାନ ବିଶ୍ୱରେ ସବୁଠାରୁ ସବୁଠାରୁ ବିପଦପୂର୍ଣ୍ଣ I ଏହି ଉପ-ପ୍ରକାରଟି ଆମେରିକାରେ ୪୦ ପ୍ରତିଶତରୁ ଅଧିକ କରୋନା ମାମଲାର ମୁଖ୍ୟ କାରଣ ବୋଲି ବିଶ୍ୱାସ କରାଯାଉଛି। ଗତ ସପ୍ତାହ ତୁଳନାରେ, ଏହି ପ୍ରକାର କାରଣରୁ ସଂକ୍ରମଣ ମାମଲା ଦୁଇ ଗୁଣ ବୃଦ୍ଧି ପାଇଛି । ଡିସେମ୍ବର ୩୧ ତଥା ବର୍ଷର ଶେଷ ସପ୍ତାହ ସୁଦ୍ଧା ଆମେରିକାରେ କରୋନା ରଏହି ଭାରିଆଣ୍ଟ ଗୁଡିକ ଯଥା , BA.2 , XBB ଏବଂ XBB.1.5 ଇତ୍ୟାଦି ରେ ସଂକ୍ରମିତ ହୋଇଛନ୍ତି ମୋଟ ୪୪ .୧ ଲୋକ I ବିଶେଷଜ୍ଞ କହିଛନ୍ତି ଯେ XBB.1.5 ଉପ-ପ୍ରକାର କେବଳ ଆମେରିକାରେ ଉତ୍ପନ୍ନ ହୋଇଛି। ଯାହା ସିଙ୍ଗାପୁରରେ ମିଳୁଥିବା XBB ପ୍ରକାର ଅପେକ୍ଷା ୯୬% ଦ୍ରୁତ ଗତିରେ ବିସ୍ତାର କରେ। ନିକଟରେ XBB.1.5 ଭାରିଆଣ୍ଟ ରେ ସଂକ୍ରମିତ ରୋଗୀ ଭାରତରେ ଚିହ୍ନଟ ହୋଇଛନ୍ତି I

ଗୁଜୁରାଟରେ ଏହାର ପ୍ରଥମ ମାମଲା ଦେଖିବାକୁ ମିଳିଛି। ଅନ୍ୟ ପ୍ରକାର ତୁଳନାରେ ଏହା ଅତ୍ୟନ୍ତ ବିପଜ୍ଜନକ ଅଟେ। ବୈଜ୍ଞାନିକମାନେ କହିଛନ୍ତି ଯେ ଓମିକ୍ରନର ସମସ୍ତ ଉପ-ପ୍ରକାର ଅପେକ୍ଷା ଏହା ଅଧିକ ବିପଜ୍ଜନକ ହୋଇପାରେ। XBB.1.5 ପ୍ରକାର ଭାରତ ବ୍ୟତୀତ ବିଶ୍ୱର ୩୪ ଟି ଦେଶରେ ବ୍ୟାପିଛି ।