ପାଲଘର: ଦୁର୍ଗାପୂଜା ସମୟରେ ଗୁଜୁରାତି ସମ୍ପ୍ରଦାୟର ଗରବା ନାଚ ବେଶ ପ୍ରସିଦ୍ଧ । ନବରାତ୍ରି ର ପ୍ରଥମ ଦିନରୁହିଁ ଆରମ୍ଭ ହୋଇଯାଇଥାଏ ଏହି ନାଚ I ତେବେ ଗରବା ନାଚ ସମୟରେ ଜଣେ ୩୫ ବର୍ଷୀୟ ଯୁବକଙ୍କ ମୃତ୍ୟୁ ଘଟିଛି I ପୁଅର ମୃତ ଦେହ ଦେଖି ବାପାଙ୍କର ମଧ୍ୟ ପ୍ରାଣହାନୀ ହୋଇଛି I ଏପରି ପରି ହୃଦୟ ବିଦାରକ ଘଟଣା ଘଟିଛି ମହାରାଷ୍ଟ୍ରର ପାଲଘରରେ।
ଖବର ଅନୁସାରେ ପାଲଘରର ଭିରାରରେ ଗ୍ଲୋବାଲ ସିଟି କମ୍ପ୍ଲେକ୍ସରେ ଏକ ଗରବା ଇଭେଣ୍ଟରେ ନାଚୁଥିବା ବେଳେ ମନୀଷ ନରପାଜୀ ସୋନିଗ୍ରା ତଳେ ଖସିପଡିଥିଲେ। ତୁରନ୍ତ ତାଙ୍କୁ ହସ୍ପିଟାଲ୍ରେ ଭର୍ତ୍ତି କରାଯାଇଥିଲେ ହେଁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ। ପୁଅର ମୃତ୍ୟୁ ଖବର ଶୁଣିବା ମାତ୍ରେ ବାପା ମଧ୍ୟ ତଳେ ପଡିଯାଇଥିଲେ ଏବଂ ତାଙ୍କର ମୃତ୍ୟୁ ଘଟିଥିଲା I
ପୋଲିସ ଅନୁଯାୟୀ, ବାପା ଏବଂ ପୁଅଙ୍କ ମୃତଦେହକୁ ପୋଷ୍ଟମର୍ଟମ ପାଇଁ ପଠାଇ ଦିଆଯାଇଛି। ଘଟଣାରେ ସ୍ଵଭାବିକ ମାମଲା ରୁଜୁ କରାଯାଇଛି। ଏହାପୂର୍ବରୁ ରବିବାର ଦିନ ଗୁଜୁରାଟର ଆନନ୍ଦ ଜିଲ୍ଲାରେ ଗାରବା ଖେଳୁଥିବା ବେଳେ ଜଣେ ୨୧ ବର୍ଷ ବୟସ୍କ ଯୁବକଙ୍କର ହୃଦଘାତରେ ମୃତ୍ୟୁ ଘଟିଥିଲା। ଗରବା କାର୍ଯ୍ୟକ୍ରମ ଆନନ୍ଦଙ୍କ ତରପୁରାର ଶିବ ଶକ୍ତି ସୋସାଇଟି ଦ୍ୱାରା ଆୟୋଜିତ ହୋଇଥିଲା। ମୃତକଙ୍କ ନାମ ବୀରେନ୍ଦ୍ର ସିଂ ରମେଶ ଭୋଇ ରାଜପୁତ ବୋଲି ଜଣାପଡିଛି।ସେପ୍ଟେମ୍ବର ୩୦ ରେ, ୨୧ ବର୍ଷୀୟ ବିରେନ୍ଦ୍ର ଗରବା ଖେଳୁଥିଲେ। ଏହି ସମୟରେ ସାଙ୍ଗମାନେ ତାଙ୍କ ଭିଡିଓ ତିଆରି କରୁଥିଲେ।ତା’ପରେ ହଠାତ୍ ବିରେନ୍ଦ୍ର ହତାଶ ହୋଇ ତଳେ ପଡ଼ିଗଲେ। ସୋସାଇଟିର ଲୋକମାନେ ତାଙ୍କୁ ଶୀଘ୍ର ଡାକ୍ତରଖାନା ନେଇଥିଲେ।କିନ୍ତୁ ବିରେନ୍ଦ୍ର ରାସ୍ତାରେ ମୃତ୍ୟୁ ବରଣ କରିଥିଲେ।ଯୁବକ ଜଣକ ହୃଦଘାତରେ ମୃତ୍ୟୁ ବରଣ କରିଥିବା ଡାକ୍ତର କହିଛନ୍ତି।
Comments are closed.