ଜମନକିରା : ଜମନକିରା ବ୍ଲକ ସଦର ମହକୁମା ଦେଇ ଯାଇଥିବା ରାଜରାସ୍ତା ୬ ନମ୍ୱର ( ୫୩ ଜାତୀୟ ରାଜପଥ) ଅବସ୍ଥା ଏବେ ଶୋଚନୀୟ ହୋଇପଡିଛି । ଏଣୁ ଆସନ୍ତା ୧୫ ଦିନ ମଧ୍ୟରେ ରାସ୍ତାର ମରାମତି କାମ କରାନଗଲେ ଆନ୍ଦୋଳନ କରାଯିବ ବୋଲି ସମ୍ବଲପୁର ଏନ୍ଏଚଏଆଇ ପିଡିଆର ଏନ୍ ରାଓଙ୍କ ପାଖରେ ଦାବି କରିଥିବା ଜଣାଯାଇଛି ।
ସୂଚନା ଯୋଗ୍ୟ ଯେ, ଜମନକିରା ଦେଇ ଯାଇଥିବା ୫୩ ନମ୍ବର ରାଜପଥ ଏକ ମୁଖ୍ୟ ରାସ୍ତା ଅଟେଛ ଏହି ରାସ୍ତାଟି ସମ୍ବଲପୁର, ଦେବଗଡ଼ ଏବଂ ଝାରସୁଗୁଡ଼ା ଜିଲ୍ଲାକୁ ସଂଯୋଗ କରିଛି । ୩ ଟି ଜିଲା ଉପରେ ଅଞ୍ଚଳବାସୀ ଅଧିକ ନିର୍ଭର କରିଥାନ୍ତି । ଯଦ୍ୱାରା ଜମନକିରା ଉପରେ ଲୋକଙ୍କ ସମାଗମ ବ୍ୟାପକ ହୋଇଥାଏ । ପ୍ରତ୍ୟହ ଶହ ଶହ ଲୋକ ଏହି ରାସ୍ତାରେ ଯାତାୟତ କରିଥାନ୍ତି । ଏଥିସହ କଚିଣ୍ଡା ଉପଖଣ୍ଡ ହୋଇଥିବାରୁ ଉପଖଣ୍ଡ ସ୍ତରୀୟ ଉପଜିଲ୍ଲାପାଳଙ୍କ ସମେତ ସମସ୍ତ ଅଧିକାରୀଙ୍କ କାର୍ଯ୍ୟାଳୟ ଥିବାରୁ ଲୋକେ ଏହି ରାସ୍ତା ଦେଇ ଯିବା ଆସିବା କରୁଛନ୍ତି । ପୁଣି ଏହି ରାସ୍ତାଦେଇ ବମ୍ବେରୁ କଲିକତାକୁ ହଜାର ହଜାର ସଂଖ୍ୟାରେ ଭାରି ଯାନବାହାନ ଯାଉଥିବାରୁ ରାସ୍ତା ଅତି ଖରାପ ହୋଇ ଯାଇଛି । ସମ୍ବଳପୁରରୁ ଦେବଗଡ଼ ପର୍ଯ୍ୟନ୍ତ ଚାରିଥାକିଆ ରାସ୍ତାକୁ ଦୀର୍ଘ ୫ ବର୍ଷରୁ ଅଧିକ ସମୟ ବିତି ଯାଇଥିବା ବେଳେ ଅଦ୍ୟାବଧି କାର୍ଯ୍ୟ ଶେଷ ହୋଇପାରି ନାହିଁ । ଏହା ଏକ ସମସ୍ୟା ହୋଇଥିବା ବେଳେ ପୁରୁଣା ବାଇପାସ ରାସ୍ତାଟି ମରାମତି କରାଯାଇ ନଥିବାରୁ ରାସ୍ତାରେ ଖାଲ ଖମାରେ ଭର୍ତି ହୋଇ ରହିଛି । ପୁରୁଣା ରାସ୍ତା ଉଭୟ ପାଶ୍ୱର୍ରେ ଦୋକାନ ବଜାର ରହୁଥିବା ଯୋଗୁଁ ଭିଡ଼ ଲାଗିରହିଛି । ନୂତନ ବାଇପାସ୍ ରାସ୍ତା କାମ ସରିନଥିବା ଯୋଗୁଁ ଏହି ପୁରୁଣା ରାସ୍ତାରେ ପୂର୍ବ ଭଳି ଭାରି ଯାନ ସାଙ୍ଗକୁ କାର, ବାଇକ୍, ସାଇକେଲ ଆଦି ଗାଡ଼ିଗୁଡ଼ିକର ଭିଡ଼ ପରିଲକ୍ଷିତ ହେଉଛି । ଏଭଳି ଭିଡ଼ ଯୋଗୁଁ ପୁରୁଣା ରାସ୍ତାରେ ଖାଲ ଖମା ଭର୍ତି ହୋଇ ରହିଛି । ସେଗୁଡ଼ିକ ମରାମତି କରାଯିବା ଜରୁରୀ ହୋଇପଡିଛି ।
ବନ୍ଧଭୁଇଁ ରାସ୍ତାଠାରୁ ଦଶଘରିଆ ପର୍ଯ୍ୟନ୍ତ ରାସ୍ତା ଶୋଚନୀୟ ହୋଇପଡିଛି । ଗଲା ଅକେଫାବର ମାସରେ ଏହି ରାସ୍ତା ଲୋକେ ଦେଖାନିଆ ପାଇଁ ଅତି ନିମ୍ନ ମାନର ମରାମତି କରାଯିବାରୁ ଏବେ ରାସ୍ତା ୬ ମାସନ ପୁରୁଣୁ ଖରାପ ହେବାକୁ ଲାଗିଛି । ଯାହାଫଳରେ ପ୍ରତିଦିନ ଜମନକିରାକୁ ଆସୁଥିବା ଜନସାଧାରଣ ବିଭିନ୍ନ ସମସ୍ୟା ସହିତ ଦୁର୍ଘଟଣାର ଶିକାର ହେଉଛନ୍ତି । ବିଭିନ୍ନ ସମୟରେ ଏହି ରାସ୍ତାକୁ ନେଇ ଆନ୍ଦୋଳନ କରୁଥିଲେ ମଧ୍ୟ କୌଣସି ସୁଫଳ ମିଳିନାହିଁ । ଫଳରେ ଜନ ଅସନ୍ତୋଷ ବୃଦ୍ଧି ପାଇ ଆସନ୍ତା ୧୫ ଦିନ ମଧ୍ୟରେ କାର୍ଯ୍ୟ କରାନଗଲେ ରାଜା ରାସ୍ତାକୁ ଅବରୋଧ କରାଯିବ ବୋଲି ଅଞ୍ଚଳବାସୀଙ୍କ ପକ୍ଷରୁ ପିଡ଼ି ଶ୍ରୀ ରାଓଙ୍କୁ ଦାବି କରିଥିବା ଜଣାଯାଇଛି ।
ଏ ସଂକ୍ରାନ୍ତରେ ସମ୍ବଲପୁର ଏନ୍ଏଚଏଆଇ ପିଡିିଆର ଏନ୍ ରାଓଙ୍କ ସହ ଯୋଗାଯୋଗ କରି ପଚାରିବାରୁ ମରାମତି ୩ ଦିନ ମଧ୍ୟରେ କରାଯିବ ବୋଲି କହିଥିଲେ ।
Comments are closed.