ସୁନ୍ଦରଗଡ଼ : ସରଣ୍ଡା ଜଙ୍ଗଲରୁ ବିସ୍ପୋରକ ଠାବ । ସୁନ୍ଦରଗଡ଼ ଜିଲ୍ଲା ବଣାଇ ଥାନା ସରଣ୍ଡା ଜଙ୍ଗଲରୁ ୭୦୦ କେଜିର ବିସ୍ଫୋରକ ସାମଗ୍ରୀ ଉଦ୍ଧାର ହୋଇଛି । ସୁରକ୍ଷା ବାହିନୀ ସର୍ଚ୍ଚ ଅପରେସନ ବେଳେ ଏହି ବିସ୍ଫୋରକ ସାମଗ୍ରୀ ଜବତ କରିଛନ୍ତି । ପୂର୍ବରୁ ମଧ୍ୟ ଜଙ୍ଗଲ ମଧ୍ୟରୁ ଅଢେଇ ଟନର ବିସ୍ଫୋରକ ସାମଗ୍ରୀ ଉଦ୍ଧାର ହୋଇଥିଲା । ବର୍ତ୍ତମାନ ସୁଦ୍ଧା ସୁରକ୍ଷାକର୍ମୀଙ୍କ ପକ୍ଷରୁ ସରଣ୍ଡା ଜଙ୍ଗଲରେ ସର୍ଚ୍ଚ ଅପରେସନ ଜାରି ରହିଛି ।
ସୂଚନାନୁସାରେ, ମେ’ ୨୭ ତାରିଖ ସକାଳ ୯ଟାରେ ସମୟରେ ସୁନ୍ଦରଗଡ଼ ଜିଲ୍ଲା କେ. ବଲାଙ୍ଗ ଥାନା ବାଙ୍କୋ ପଥର ଖଣିରୁ ପାଖାପାଖି ୪୦ରୁ ଅଧିକ ମାଓବାଦୀ ବନ୍ଧୁକ ମୁନରେ ୪ ହଜାର କେଜି ବିସ୍ଫୋରକ ଲୁଟିନେଇଥିଲେ। ତେବେ ଏହି ଘଟଣାକୁ ସପ୍ତାହେ ବିତିଯାଇଥିବାବେଳେ ସୋମବାର ମଧ୍ୟାହ୍ନରେ ଝାଡ଼ଖଣ୍ଡ ଜରେଇକେଲା ଥାନା ଅଧୀନ ତିରିଲପୋଷିରୁ ୨.୫ ଟନ୍ ଲୁଟ୍ ବିସ୍ଫୋରକ ଜବତ ହୋଇଥିଲା । ସେହିପରି ମଙ୍ଗଳବାର ସୁନ୍ଦରଗଡ଼ ଜିଲ୍ଲା ସରଣ୍ଡା ଜଙ୍ଗଲରୁ ଆଉ ୭୦୦ କେଜି ବିସ୍ଫୋରକ ଜବତ କରିଥିବା ସୂଚନା ମିଳିଛି । ବଳକା ବିସ୍ଫୋରକ ଜବତ କରିବା ପାଇଁ ସୁରକ୍ଷାବଳ ପକ୍ଷରୁ ଜଙ୍ଗଲରେ ସର୍ଚ୍ଚ ଅପରେସନ୍ ଜାରି ରହିଛି। ଏହି ଘଟଣା ପରେ ଓଡ଼ିଶା, ଝାଡ଼ଖଣ୍ଡ ଓ ଛତିଶଗଡ଼ରେ ହାଇଆଲର୍ଟ ଜାରି ହୋଇଥିଲା। ଏନ୍ଆଇଏ ଏହି ଘଟଣାର ତଦନ୍ତ କରୁଥିବାବେଳେ ସିଆର୍ପିଏଫ୍, ଓଡ଼ିଶାର ଏସ୍ଓଜି ଓ ଡିଭିଏଫ୍ ଏବଂ ଝାଡ଼ଖଣ୍ଡର ଜାଗୁଆର କମାଣ୍ଡୋ ୟୁନିଟ୍ ସେବେଠୁ ସରଣ୍ଡା ଜଙ୍ଗଲରେ ତଲାସି ଅଭିଯାନ ବଳବତ୍ତର ରଖିଛନ୍ତି।
Comments are closed.