ନୂଆଦିଲ୍ଲୀ : ଇରାକ୍ର ଏକ ସପିଙ୍ଗ୍ ମଲ୍ରେ ନିଆଁ ଲାଗି ପ୍ରାୟ ୬୦ ଜଣଙ୍କ ଜୀବନ ଯାଇଥିବାବେଳେ ୧୧ ଜଣ ନିଖୋଜ ଅଛନ୍ତି । ଏହି ଅଘଟଣ ପୂର୍ବ ଇରାକର ଅଲ କୁଟର ଏକ ସୁପରମାର୍କେଟରେ ଘଟିଛି । ନିଆଁ ଲାଗିବାର ଅନେକ ଫଟୋ ସୋସିଆଲ ମିଡିଆରେ ମଧ୍ୟ ଶେୟାର କରାଯାଇଛି । ମଲ୍ରେ ନିଆଁ ଲାଗି ଥିବାରୁ ଏଯାଏଁ ୬୦ ଜଣଙ୍କ ମୃତ୍ୟୁ ହୋଇଥିବା ବେଳେ ୧୧ ଜଣ ନିଖୋଜ ରହିଛନ୍ତି । ମୃତକଙ୍କ ସଂଖ୍ୟା ଆହୁରି ବୃଦ୍ଧି ପାଇପାରେ । ଖବର ପାଇ ଅଗ୍ନିଶମ ଅଧିକାରୀ ଓ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିବା ସହ ସ୍ଥାନୀୟ ଲୋକେ ମଧ୍ୟ ଅନେକ ଲୋକଙ୍କ ଜୀବନ ରକ୍ଷା କରିଛନ୍ତି । ଅଗ୍ନିକାଣ୍ଡ ସ୍ଥଳରୁ କିଛି ମୃତଦେହ ଉଦ୍ଧାର ହୋଇଥିବାବେଳେ ଆହୁରି କିଛି ଅଗ୍ନିକାଣ୍ଡର ଭଗ୍ନାବଶେଷ ତଳେ ରହିଯାଇଥିବା ଜଣ। ପଡିଛି । ବର୍ତ୍ତମାନ ସୁଦ୍ଧା ମୃତଦେହ ଗୁଡିକ ଚିହ୍ନଟ ହୋଇପରି ନାହିଁ । ନିଆଁ ଲାଗିବାର କାରଣ ଅସ୍ପଷ୍ଟ ରହିଥିଲେ ମଧ୍ୟ ମଲ୍ ମାଲିକଙ୍କ ବିରୁଦ୍ଧରେ ମାମଲା ରୁଜୁ କରାଯାଇ ଘଟଣାର ତଦନ୍ତ ଜାରି ରହିଛି ।
Comments are closed.