ଭୁବନେଶ୍ବର : ରାଜ୍ୟରେ ନୂଆ କୋଭିଡ୍ ସଂକ୍ରମଣ କେସ ନାହିଁ । ପୂର୍ବରୁ ୫ ଜଣ ସଂକ୍ରମିତ ଚିହ୍ନଟ ହୋଇଥିଲେ । ଏମାନଙ୍କ ମଧ୍ୟରୁ ୪ ଜଣ ଭୁବନେଶ୍ୱରରୁ ହୋଇଥିବାବେଳେ ଜଣେ ଜଟଣୀ ଅଞ୍ଚଳରୁ । ୪ ଜଣ ପୁରୁଷ ଥିବାବେଳେ ଜଣେ ମହିଳା ରହିଛନ୍ତି । ଏନେଇ ଆଜି ପ୍ରତିକ୍ରିୟା ରଖିଛନ୍ତି ଜନସ୍ୱାସ୍ଥ୍ୟ ନିର୍ଦ୍ଦେଶକ ଡାକ୍ତର ନୀଳକଣ୍ଠ ମିଶ୍ର । ସେ କହିଛନ୍ତି, କୋଭିଡ୍ ମାମଲା ବଢିନି । ସେହି ୫ ମାମଲା ରିପୋର୍ଟ ହୋଇଛି । ନୂଆ କେସ୍ ଆସିନି । ସତର୍କ ଓ ସଜାଗ ରହିବା ସହ କେନ୍ଦ୍ର ସରକାରଙ୍କ ନିର୍ଦ୍ଦେଶକୁ ଅପେକ୍ଷା କରିଛୁ । ଯାହା ମାମଲା ଅଛି, ତାହା ଗମ୍ଭୀର ନୁହେଁ, ଲକ୍ଷଣ କମ୍ ଅଛି । ସେମାନଙ୍କ ଭିତରୁ ଦୁଇ ତିନି ଜଣଙ୍କ ରାଜ୍ୟ ବାହାର ଟ୍ରାଭେଲ ହିଷ୍ଟ୍ରି ଅଛି । ବାକି ବାହାରକୁ ଯାଇ ନାହାନ୍ତି । ବଡ଼ ସଂକ୍ରମଣ ବା ରୋଗ ହେଲେ ଯାଇ ଜେନମ ସିକୁଏନ୍ସିଂ କରାଯିବ । ଖୋର୍ଦ୍ଧାରେ ଟେଷ୍ଟିଂ ସୁବିଧା ଅଛି । ଘରୋଇ ହସ୍ପିଟାଲ ବି ଅଛି । RTPCR ମେସିନ ସବୁ କାମ କରୁଛି । ଏହାକି ପ୍ରସ୍ତୁତ ରଖିବାକୁ ଟାର୍ଗେଟ ଦିଆଯାଇଛି । ଅକ୍ସିଜେନ ପ୍ଲାଣ୍ଟ ବ୍ୟବସ୍ଥା ବି ଠିକ୍ ଅଛି । ଯଥେଷ୍ଟ ଟେଷ୍ଟିଂ କିଟ୍ ମଗାଯାଇଥିଲା । ସବୁ ପହଞ୍ଚି ଯାଇଛି ।
ଅନ୍ୟପଟେ ଦେଶରେ କୋଭିଡ ସ୍ଥିତିକୁ ନେଇ ଆଜି କେନ୍ଦ୍ର ସରକାରଙ୍କ ପକ୍ଷରୁ ବସିବାକୁ ଥିବା ଗୁରୁତ୍ୱପୂର୍ଣ୍ଣ ବୈଠକ ସ୍ଥଗିତ ରହିଛି। ଖୁବ ଶୀଘ୍ର ନୂଆ ତାରିଖ ଘୋଷଣା ହେବ ବୋଲି ଜଣାପଡିଛି। ଆଜି କେନ୍ଦ୍ର ସ୍ୱାସ୍ଥ୍ୟ ସଚିବଙ୍କ ଅଧ୍ୟକ୍ଷତାରେ ଏହି ବୈଠକ ହେବାର ଥିଲା। ଭିଡିଓ କନଫରରେନ୍ସିଂରେ ସବୁ ରାଜ୍ୟର ଅଧିକାରୀ ସାମିଲ ହେବାର କାର୍ଯ୍ୟକ୍ରମ ରହିଥିଲା। ଦେଶରେ ବ୍ୟାପୁଥିବା ଦୁଇଟି ଭ୍ୟାରିଏଣ୍ଟରେ କେବଳ ଥଣ୍ଡା କାଶ ଲକ୍ଷଣ ଦେଖାଯାଉଛି ।
Comments are closed.