ପାରାଦୀପ : ପାରାଦୀପ ବନ୍ଦରରେ ଘାନା ନାଗରିକ। ୩ ଘାନା ନାଗରିକଙ୍କୁ ନେଇ ଆରମ୍ଭ ହୋଇଛି ତନାଘନା। ରୁଷରୁ ଆସିଥିବା ଏକ ଚୀନ ଜାହାଜ ବନ୍ଦରରେ ଲାଗିବା ପରେ ଏହି ଘାନା ନାଗରିକମାନଙ୍କୁ ଠାବ କରାଯାଇଥିଲା। ପାରାଦୀପ ପୋର୍ଟ CQ-2 ବର୍ଥରେ ଜାହାଜ ଲାଗିବା ପରେ କେନ୍ଦ୍ରୀୟ ଶିଳ୍ପ ନିରାପତ୍ତା ବାହିନୀ (CISF ) ର ତନାଘନା ଚାଲିଛି । MV ଗ୍ରେଟ୍ ସେଙ୍ଗ ୱେନ ଜାହାଜରେ ତିନି ଜଣଙ୍କୁ ଅଟକ ରଖାଯାଇଛି। ଜାହାଜଟି ହଂକଂର ହୋଇଥିବା ବେଳେ ଜଣାପଡିଛି। ଏହି ଜାହାଜରେ ୨୦ ଜଣ କ୍ରିୟୁ ମେମ୍ବର ଥିବା ବେଳେ, ଘାନା ୩ ନାଗରିକ କିପରି ଆସିଲେ, ସେନେଇ ତଦନ୍ତ ଜାରି ରହିଛି।
ପାରାଦୀପ ଇମିଗ୍ରେସନ(ଆପ୍ରବାସନ) କାର୍ଯ୍ୟାଳୟ ଏ ବିଷୟରେ ଅବଗତ ହେବା ପରେ ଉକ୍ତ ଜାହାଜଟିକୁ ନୋଟିସ ଜାରି କରିଛି। କେଉଁ ଉଦ୍ଦେଶ୍ୟରେ ଏହି ନାଗରିକମାନେ ଆସିଛନ୍ତି ତାହା ଜଣାପଡ଼ି ନ ଥିବାବେଳେ ସେମାନଙ୍କୁ ଭାରତର କୌଣସି ବନ୍ଦରରେ ନ ଓହ୍ଲାଇବାକୁ ଜାହାଜକୁ ଇମିଗ୍ରେସନ କାର୍ଯ୍ୟାଳୟ ପକ୍ଷରୁ ଦିଆଯାଇଥିବା ନୋଟିସରେ ନିର୍ଦେଶ ରହିଛି।
Comments are closed.