ଛତ୍ରପୁର : ବିଲରେ କାମ କରୁଥିବା ବେଳେ ଅଘଟଣ । ବଜ୍ରାଘାତରେ ଚାଲିଗଲା ତିନି ମହିଳା ଚାଷୀଙ୍କ ଜୀବନ । ଗଞ୍ଜାମ ଜିଲ୍ଲା ଛତ୍ରପୁର ବ୍ଲକ ସରଭିମପୁରରେ ଘଟିଛି ଏହି ଦୁଖଦଃ ଘଟଣା । ମୃତକମାନେ ସରଭିଂପୁର ଗ୍ରାମର କୁନି ଗୌଡ଼, ନିରୁପମା ଗୌଡ଼ ଓ ରାଉଳିବନ୍ଧ ଗାଁର ମିନି ଗୌଡ଼ ବୋଲି ଜଣାପଡ଼ିଛି।
ଖବର ଅନୁସାରେ, ଆଜି ଅପରାହ୍ନରେ କୁନି ଗୌଡ଼, ନିରୁପମା ଗୌଡ଼ ଏବଂ ମିନି ଗୌଡ଼ ପୋଟଲାମପୁର ପଞ୍ଚାୟତସ୍ଥିତ ସରଭିମ୍ପୁର ଗ୍ରାମରେ ଏକ ଚାଷ ଜମିରେ ତଳି କାମ କରୁଥିଲେ । ଏହି ସମୟରେ ବଜ୍ରପାତ ହେବାରୁ ତିନି ଜଣ ଗୁରୁତର ହୋଇପଡ଼ିଥିଲେ । ସେଠାରେ ଉପସ୍ଥିତ ଅନ୍ୟ ଲୋକମାନେ ତାଙ୍କୁ ମେଡ଼ିକାଲରେ ଭର୍ତ୍ତି କରିଥିଲେ । ମାତ୍ର ଡାକ୍ତର ଜଣକ ପରେ ଜଣଙ୍କୁ ମୃତ ଘୋଷଣା କରିଛନ୍ତି । ମୃତ ୨ ମହିଳା କୁନି ଗୌଡ଼ ଓ ନିରୁପା ଗୌଡ଼ ହେଲେ ନଣନ୍ଦ -ଭାଉଜ ।
ସେହିପରି ଗଞ୍ଜାମ ଜିଲ୍ଲା ରାଉଳିବନ୍ଧରେ ଘଟିଛି ସମାନ ଘଟଣା । ବଜ୍ରାଘାତରେ ଜଣେ ମହିଳାଙ୍କର ମୃତ୍ୟୁ ହୋଇଯାଇଛି । ମୃତ ମହିଳା ଗଞ୍ଜାମ ରାଉଳିବନ୍ଧ ଗାଁର ମିନି ଗୌଡ଼ ବୋଲି ଜଣାପଡିଛି । ଅନ୍ୟପଟେ ଦୁର୍ଘଟଣା ସଂପର୍କରେ ଖବର ପାଇ ସ୍ଥାନୀୟ ପୋଲିସ ଓ ଆରଆଇ ପହଞ୍ଚି ତଦନ୍ତ ଆରମ୍ଭ କରିଛନ୍ତି । ଏହାସହ ସମସ୍ତ ମୃତଦେହକୁ ଉଦ୍ଧାର କରି ବ୍ୟବଚ୍ଛେଦ ନିମନ୍ତେ ନିକଟସ୍ଥ ମେଡିକାଲରେ ଭର୍ତ୍ତି କରାଯାଇଛି ।
