ପୁରୀ : ୨୪ ଘଣ୍ଟା ନପୂରୁଣୁ ଆଜି ପୁଣିଥରେ ପୁରୀ ସମୁଦ୍ରରେ ଘଟିଛି ଅଘଟଣ । ଗୁରୁବାର ଅପରାହ୍ନରେ ସ୍ୱର୍ଗଦ୍ୱାର ନିକଟ ୧୩ ନମ୍ବର ସେକ୍ଟର ସମୁଦ୍ରରେ ସ୍ନାନ କରୁଥିବା ବେଳେ ଜଣେ ପର୍ଯ୍ୟଟକଙ୍କ ମୃତ୍ୟୁ ଘଟିଛି । ଅନ୍ୟ ଜଣେ ସମୁଦ୍ରରେ ନିଖୋଜ ହୋଇଯାଇଛନ୍ତି । ମୃତ ପର୍ଯ୍ୟଟକ ହେଲେ ପଶ୍ଚିମବଙ୍ଗ ହୁଗୁଳି ଜିଲ୍ଲାର ଅରିନ୍ଦମ ଦାସ । ନିଖୋଜ ଥିବା ଅନ୍ୟ ଜଣେ ପର୍ଯ୍ୟଟକଙ୍କ ମୃତଦେହ ଲାଇଫ୍ଗାର୍ଡ ଉଦ୍ଧାର କରିଛି I ଉଭୟେ ପଶ୍ଚିମବଙ୍ଗ ର ହୋଇଥିବା ଜଣା ପଡିଛି I
ସୂଚନାଥାଉ କି, ବୁଧବାର ମଧ୍ୟ ପୁରୀ ସମୁଦ୍ରରେ ସ୍ନାନ ବେଳେ ବାପା, ପୁଅଙ୍କ ମୃତ୍ୟୁ ଘଟିବା ସହ ଅନ୍ୟ ଜଣେ ଗୁରୁତର ଆହତ ହୋଇଥିଲେ । ଗୁରୁତରଙ୍କୁ ତୁରନ୍ତ ହସ୍ପିଟାଲରେ ଭର୍ତି କରାଯାଇଥିଲା I ଆହତ ଜଣକ ହେଉଛନ୍ତି ସୁନିତ ମାହାତୋ I ୫ ଜଣ ପଶ୍ଚିମବଙ୍ଗ ହାୱଡାରୁ ପୁରୀ ବୁଲିବାକୁ ଆସି ୧୩ ନମ୍ବର ସେଣ୍ଟରରେ ଗାଧୋଉଥିଲେ I ପର୍ଯ୍ୟଟକମାନଙ୍କୁ ଲାଇଫ୍ଗାର୍ଡଙ୍କ ବାରଣ ସତ୍ତ୍ୱେ ପର୍ଯ୍ୟଟକମାନେ ମନଇଚ୍ଛା ସମୁଦ୍ରରେ ସ୍ନାନ କରୁଥିବା ବେଳେ ଏଭଳି ଅଘଟଣ ଘଟୁଛି । ମାତ୍ର କେହି ବି ସଚେତନ ହେଉନାହାନ୍ତି ।
Comments are closed.