ଜମ୍ମୁଏନ୍‌କାଣ୍ଟରରେ ଆତଙ୍କବାଦୀ ନିହତ: ୫ ଯବାନ ଆହତ, ଆହତ ଯବାନଙ୍କ ମଧ୍ୟରେ ଜଣେ ଓଡ଼ିଆ

ଜମ୍ମୁ: ଏପ୍ରିଲ ୨୨: ଗତ ରାତିରେ ଜମ୍ମୁ ସ୍ଥିତ ଜଲାଲାବାଦ ସୁଞ୍ଜୱାନ୍‌ ଅଞ୍ଚଳରେ ‘ସିଆଇଏସ୍‌ଏଫ୍‌’ ଯବାନ ଓ ଆତଙ୍କବାଦୀ ମୁହାଁମୁହିଁ ହୋଇଥିଲେ । ଏଥିରେ ୨ ଜଣ ଆତଙ୍କବାଦୀ ଏନ୍‌କାଣ୍ଟରରେ ନିହତ ହୋଇଛନ୍ତି । ତେବେ ଏହି ଘଟଣାରେ ସିଆଇଏସ୍‌ଏଫ୍‌ର ପ୍ରାୟ ୯ଜଣ ଯବାନ ଆହତ ହୋଇଥିବା ବେଳେ ଜଣ ଅଧିକାରୀ ସହିଦ୍‌ ହୋଇଥିବା ସୂଚନା ମିଳିଛି ।

ସହିଦ୍‌ ଅଧିକାରୀ ହେଲେ- ଆସିଷ୍ଟାଣ୍ଟ୍‌ ସବ୍‌ ଇନ୍‌ସ୍ପେକ୍‌ଟର୍‌ ଏସ୍‌. ପି. ପଟେଲ୍‌ । ଆହତ ହୋଇଥିବା ଯବାନମାନଙ୍କ ମଧ୍ୟରେ ଅଛନ୍ତି ଓଡ଼ିଆ ଯବାନ ପ୍ରମୋଦ ପାତ୍ର, ଆସାମର ଅବିର ସୋରାନ, କଠୁଆର ପୁଲିସ ହେଡ୍‌ କନେଷ୍ଟବଳ ବଳରାଜ ସିଂହ ଓ ଅଖନୂର ଏସ୍‌ପିଓ ସାହିଲ୍‌ ଶର୍ମା ରହିଛନ୍ତି ।

ସୂଚନା ଅନୁସାରେ, ସକାଳେ ‘ଅଣ୍ଡର୍‌ ବାରେଲ୍‌ ଗ୍ରେନେଡ୍‌ ଲଞ୍ଚର୍‌’ରୁ ଜଣେ ଆତଙ୍କବାଦୀ ଗ୍ରେନେଡ୍‌ ଫିଙ୍ଗିବାରୁ ଆଉ ୫ଜଣ ଯବାନ ଆହତ ହୋଇଛନ୍ତି ।
ନିହତ ୨ ଆତଙ୍କବାଦୀ ଏକ ସହଯୋଗୀ ଆତଙ୍କବାଦୀ ସଙ୍ଗଠନର ସଦସ୍ୟ ଥିଲେ ବୋଲି ଜଣାପଡ଼ିଛି ।

Govt

Comments are closed.