ଭୁବନେଶ୍ୱର : +୨ ସିଲାବସ୍ରେ ପରିବର୍ତ୍ତନ । ଏଣିକି ବାଧ୍ୟତାମୂଳକ ଇଂରାଜୀରେ ରହିବ ‘ପରିବେଶ ଶିକ୍ଷା ୟୁନିଟ୍’ । ସେହିପରି ଏମଆଇଏଲ ବା (ମାତୃଭାଷା)ରେ ଅର୍ନ୍ତଭୁକ୍ତ ହୋଇଛି ମୂଲ୍ୟବୋଧ ଶିକ୍ଷା ୟୁନିଟ୍ । ପିଲାଙ୍କ ପାଇଁ ଇଂରାଜୀରେ ପରିବେଶ ଏବଂ ସାହିତ୍ୟରେ ମୂଲ୍ୟବୋଧ ବିଷୟରେ ଆସିବ ପ୍ରଶ୍ନ ।
୨୦୨୫-୨୬ ଶିକ୍ଷାବର୍ଷରେ ବାର୍ଷିକ ପରୀକ୍ଷା ବେଳେ +୨ ଛାତ୍ରଛାତ୍ରୀ ନୂଆ ପାଠ୍ୟକ୍ରମ ଅନୁଯାୟୀ ପରୀକ୍ଷା ଦେବେ । ୨୦୨୬ ବୋର୍ଡ ପରୀକ୍ଷାରେ ଉଭୟେ ବିଷୟରେ ପ୍ରଶ୍ନ ଆସିବ ବୋଲି ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି ।
ଏହାସହ ଦଶମ ଓ ଦ୍ବାଦଶ ବୋର୍ଡ ମିଶି ଗୋଟିଏ ବୋର୍ଡ ହେବ ବୋଲି ସୂଚନା ଦେଇଛି ଗଣଶିକ୍ଷା ବିଭାଗ । ଅର୍ଥାତ ମାଧ୍ୟମିକ ଶିକ୍ଷା ପରିଷଦ- ବିଏସଇ ଏବଂ ଉଚ୍ଚ ମାଧ୍ୟମିକ ଶିକ୍ଷା ପରିଷଦ- ସିଏଚଏସଇ ମିଶିଯିବ । ଦୁଇଟି ଯାକ ବୋର୍ଡର ପରୀକ୍ଷା ପରିଚାଳନା ହେବ ଗୋଟିଏ ସ୍ଥାନରୁ। ପ୍ରଥମରୁ ଦ୍ବାଦଶ ଯାଏଁ ସିଲାବସ ପ୍ରସ୍ତୁତିଠାରୁ ଆରମ୍ଭ କରି ପରୀକ୍ଷା ଓ ଫଳ ପ୍ରକାଶନ ଗୋଟିଏ ବୋର୍ଡ ଅଧୀନରେ ହେବ । ଏହାଦ୍ବାରା ଅନେକ ଫାଇଦା ହୋଇପାରିବ ବୋଲି ଶିକ୍ଷାବିତମାନେ କହିଛନ୍ତି
