ମାଲକାନାଗିରି : ସୁରକ୍ଷାକର୍ମୀଙ୍କୁ ଆଉ ଏକ ସଫଳତା । ଏନକାଉଣ୍ଟରରେ ନିପାତ ହେଲେ ପୁଣି ୨ ହାର୍ଡକୋର ମାଓବାଦୀ । ମାଲକାନଗିରି ସୀମାନ୍ତ ଛତିଶଗଡ଼ ନାରାୟଣପୁର କୋଣ୍ଡାଗାଁ ସୀମାନ୍ତ କିମଲ ଓ ବୁରଗୁମ ଜଙ୍ଗଲରେ ହୋଇଛି ଗୁଳି ବିନିମୟ । ଦୁଇ ମାଓବାଦୀଙ୍କ ମୃତ୍ୟୁ ହୋଇଥିବା ନେଇ ସୂଚନା ଦେଇଛନ୍ତି ବସ୍ତର ଆଇଜି । ଘଟଣାସ୍ଥଳରୁ ଏକେ-୪୭ ରାଇଫଲ୍ ସହ ବିପୁଳ ପରିମାଣର ମାଓ ସାମଗ୍ରୀ ଜବତ କରାଯାଇଛି ।
ଏହି ଅପରେସନରେ ଡିଆର୍ଜି ଓ ବସ୍ତର ଫାଇଟର୍ ଯବାନ ମାନେ ସାମିଲ ଥିଲେ । ନିହତ ହୋଇଥିବା ୨ ମାଓବାଦୀଙ୍କ ମୁଣ୍ଡରେ ୧୩ ଲକ୍ଷ ଟଙ୍କାର ପୁରସ୍କାର ରହିଥିଲା । ନିହତ ମାଓବାଦୀ ହେଉଛନ୍ତି, ବସ୍ତର ପୂର୍ବ ଡିଭିଜନର କମାଣ୍ଡର ଡିବିସିଏମ୍ ହଲଦର ଓ ଏସିଏମ୍ ରାମେ । ହଳଦରଙ୍କ ଉପରେ ୮ ଲକ୍ଷ ଓ ରାମେଙ୍କ ମୁଣ୍ଡରେ ୫ ଲକ୍ଷ ପୁରସ୍କାର ରାଶି ଥିଲା ।
ଅନ୍ୟପଟେ ମାଓବାଦୀଙ୍କ ଏକ ବଡ଼ ଯୋଜନାକୁ ପଣ୍ଡ କରିଛନ୍ତି ସୁରକ୍ଷା କର୍ମୀ । ଦୁଇଟି ଟିଫିନ ବୋମା ଜବତ କରି ନିଷ୍କ୍ରିୟ କଲା ସୁରକ୍ଷାକର୍ମୀ । ମାଲକାନଗିରି ସୀମାନ୍ତ ଛତିଶଗଡ଼ ବିଜାପୁର ଜିଲ୍ଲା ମାନକେଲି ଗାଁ ନିକଟରୁ ମାଓବାଦୀ ଖଞ୍ଜିଥିବା ୫ ଟିଫିନ ବୋମା ଠାବ ହୋଇଛି । ଦୁଇରୁ ପାଞ୍ଚ ମିଟର ଦୂରତା ମଧ୍ୟରେ ୨ କିଗ୍ରା ଓଜନର ୩ଟି ବିୟର ବୋମା ଓ ୨ଟି ଟିଫିନ ବୋମା ଜବତ ହୋଇଛି । ଯବାନଙ୍କୁ ଟାର୍ଗେଟ କରି ଏହି ବୋମା ଖଞ୍ଜାଯାଇଥିଲା । ସୁରକ୍ଷା ବାହିନୀର ସତର୍କତା ଏବଂ ଉପସ୍ଥିତି ବୁଦ୍ଧି ଯୋଗୁଁ ଆଇଇଡି ଗୁଡିକୁ ଠାବ ପରେ ନିଷ୍କ୍ରିୟ କରିଛନ୍ତି ।
Comments are closed.